শৈরেং লাইরিক ‘য়া য়া লাউই চুপ লুপখি’ ফোঙখ্রে
ইম্ফাল, অক্টোবর ৮:
জয়দীপ মেমোরিয়েল ফাউন্দেসনগী ১০ শুবা ফাউন্দেসন দেগী থৌরম ঙসি পাঙথোকখিবগা লোয়ননা রাজকুমারী নয়নস্না দেবীনা ইবা শৈরেংগী লাইরিক ‘য়া য়া লাউই চুপ লুপখি’ ফোঙখ্রে। পেলেস কম্পাউন্দগী প্লোত নম্বর-১০ দা লৈবা সনা সঙ্গাইদা ঙসি অয়ূক জয়দীপ মেমোরিয়েল ফাউন্দেসনগী ১০ শুবা ফাউন্দেসন দেগী থৌরম ‘মহৌশা লাইরেম্বীগী তম্পক্তা’ হায়বা থিমদা পাঙথোকখি।
‘পিছ ওন আর্থ’ হায়বা মোতোদা লিংখৎখিবা জয়দীপ মেমোরিয়েল ফাউন্দেসনগী ঙসি পাঙথোকখিবা ফাউন্দেসন দেগী থৌরম অদুদা জয়দীপ মেমোরিয়েল ফাউন্দেসনগী চীফ পেত্রোন রানী খিদির (থাংমৈবন্দ রানী), ধনমঞ্জুরী য়ুনিভার্সিটিগী দাঃ শরতচন্দ্র লোংজোম্বা, সাহিত্য একাদেমি এৱার্দি দাঃ এস লনচেনবা মীতৈ, সেবা মণিপুরগী চীফ একজিক্যুটিব ওফিসারসু ওইরিবা ইন্টারনেসনেল এৱার্দি দাঃ কেঐচ চীংলেন, কংলৈপাক কেলেন্দর বোর্দকী প্রেসিদেন্ত, অহম্ভিজিৎ সাইরোম অমসুং ক্বাদ রাইতর মোইরাংগী প্রেসিদেন্ট সালাম তোম্বনা প্রেসিদিয়াম মেম্বারশিং ওইনা শরুক য়াখি।
ফাউন্দেসন দেগী থৌরম অদুগা মরী লৈননা রাজকুমারী নয়নস্না দেবীনা ইবা শৈরেংগী লাইরিক ‘য়া য়া লাউই চুপ লুপখি’ অমদি জয়দীপ মেমোরিয়েল ফাউন্দেসনগী চহী ২০২৩ গী কেলেন্দার অমসু ফোঙখি। জয়দীপ মেমোরিয়েল ফাউন্দেসনগী জেনারেল সেক্রেটারি জি তপনকুমার শর্ম্মানা লৈখিদ্রবা গুরুময়ূম জয়দীপনা হিংলিঙৈ লৈখিদ্রবা গুরুময়ুম জয়দীপনা হিংলিঙৈ মতমদা মহাক্না পামজরম্বা অমসুং মহাক্কী ৱাখল্লোনশিংগী মতাঙদা ৱাফম কয়া ফোঙদোকখি। থৌরম অদুদা শরুক য়াখিবশিংনা লৈখিদ্রবা জয়দীপকী ফোটোদা হৈ-লৈ কত্তুনা ইকায়খুম্নবসু ঊৎখি। ঙসি ফোঙখিবা রাজকুমারী নয়নস্নাগী শৈরেংগী লাইরিক ‘য়া য়া লাউই চুপ লুপখি’ মিংথোনবা লাইরিক্কী মরমদা ক্বাদ রাইটার্স মোইরাংগী প্রেসিদেন্ত সলাম তোম্বনা ৱা ঙাঙখি।
অমরোমদা, মণি তায়েঞ্জমনা ইবা রেদিও প্লে ‘পাউখুম ফংখিদ্রবা ৱাহং’ লাইরিক ওইনা ঙসি মণিপুর প্রেস ক্লাবতা ফোঙখ্রে। পেত্রিওটিক রাইটার্স ফোরামনা শীন্দুনা পাঙথোকখিবা থৌরম অদুদা সোসিয়েল ওয়েলফেয়ার দিপার্টমেন্তকী দিরেক্তর এনজি উত্তমনা চীফ গেস্ত, রাইটার্স ফোরাম অসিগী প্রেসিদেন্ত নাওরোইম্বম খম্বা লুৱাংনা প্রেসিদেন্ত অমসুং হৈঙাং গ্রাম পঞ্চায়তকী প্রধান কোঞ্জেংবম জয়েন্তনা গেস্ত ওব ওনার ওইনা শরুক য়াখি। থৌরম অদুদা শক্নাইরবা প্লেরাইট মনাওবী এম এমনা ঙসি ফোঙখিবা লাইরিক অদু রিভিউ তৌখি।
সোর্স: পোক্নফম
0 কমেন্ট:
কমেন্ট তৌবিয়ু