• 441
• ১১ই জুন ২০২৫ ইং
• Share on:

শীতলজিৎ রাজকুমারগী নোংগা কুমওন

ইম্ফাল, ৮ জুন:  সাহিত্য থৌপাং লুপ অমসুং শীতলজিৎ নীংশিং সেবা সমিতি অনীনা শীন্দুনা মণিপুরী সাহিত্যগী লময়ানবা অইবশিংগী মনুংদা মণিপুরগী অতিয়াদা অরংবা থৱান মিচাক গুম্না ঙানথোইনা লৈরিবা অইবা, এডুকেশনিষ্ট, ট্রান্সলেটর, ফিলোসফার অমদি জার্নেলিষ্ট শীতলজিৎ রাজকুমার লৈখিদবগী ১৭ শুবা নোংগা কুমওন থৌরম চৎখিবা মে তাং ৩১ কৈসামথোং তোপ লৈরক্তা লৈবা মশাগী ময়ুমদা পাঙথোকখ্রে। 
থৌরম অদু স্কোলার সিজগুরুময়ুম গৌরমনি শর্ম্মানা থৌরম মপু ওইরগা মণিপুরী সাহিত্য পরিষদ ইম্ফালগী প্রেসিডেন্ট এল জয়চন্দ্রনা চীফ গেষ্ট ওইনা শরুক য়াখি। মণিপুরী সাহিত্যদা শীতলজিৎ রাজকুমারনা তৌরম্বা খুদোলদি শীংথাবদা লোইবা নাইরোই হায়না চীফ গেষ্ট এল জয়চন্দ্রনা ফোঙদোকখি। 
সাহিত্য থৌপাং লূপকী এডভাইজর শরতচান্দ থিয়ামনা হায়খি, লৈখিদ্রবা অইবা অসিনা তৌরম্লিবা থবক ময়াম অদু তমজনিংঙাইনি। মাইথোং য়াম্বা মাগী পুন্সিদা মানা করি করি তৌরম্মী হায়বসি খুন্নাই অসিগী তুংগী হৌরক্লিবা মীরোলশিংদা খঙহনফম অমা চংই হায়খি। থৌরম অদুদা ডঃ লুক্রাম অমরজিৎসু ৱা ঙাংখি। 
প্রেসিডেন্ট গৌরমনি শর্ম্মানা হিংলিঙৈ অমসুং লৈখিদ্রবা মতুংদসু ময়াম্না শক্না শোন্নরি। থৌরম অসিগা মরী লৈননা হন্দক চহী হায়ার সেকেন্ডারী পরীক্ষাদা মণিপুরী সাবজেক্টতা খ্বাইদগী মার্কস ৱাংনা ফংখিবা কোমেত স্কুলগী মহৈরোই প্রিয়া খ্বাইরাকপমদা ‘শীতলজিৎ নীংশিং মনা’ পীদুনা ইকাইখুম্নখি হায়না ইম্ফালদগী ফংবা পাউদা হায়রি। 
সোর্স: মরূপ