লময়ানবা হিজম ইরবাতকী ১২৭ শুবা মপোক কুমোনগা মরি লৈননা ‘মণিপুরী য়ুথ ফোরাম, বাংলাদেশ না শিন্দুনা ইন্টার মণিপুরী ফুটসাল টুর্নামেন্ট অমা পাঙথোকখ্রে।
সিলেট, ২৪ সেপ্টেম্বর
লময়ানবা হিজম ইরবাতকী ১২৭ শুবা মপোক কুমোনগা মরি লৈননা মণিপুরী য়ুথ ফোরাম, বাংলাদেশ না শিন্দুনা ঙরাং ২৩ সেপ্টেম্বর ২০২৩ থাংজ নুমিৎ সিলেটকী আলমপুরদা লৈবা রেডকার্ড ইনডোর স্টেডিয়ামদা ‘ইন্টার মণিপুরী ফুটসাল চেম্পীয়নশিপ-ওয়ান ডে ওয়ান চেম্পিয়ন” টুর্নামেন্ট অমা পাঙথোকখ্রে।
বাংলাদেশতকী রিজিওন মরিদগী টুর্নটামেন্ট অসিদা সিলেটকী ওইনা ‘সিলেট চেম্পিয়নস”, কুলাউরা অমসুং জুরি রিজিওনগী ওইনা ‘ফ্রেন্ডস ফুটসাল ক্লাব”, শ্রিমঙ্গল অমসুং বিশগাও রিজিওনগী ওইনা ‘শ্রীমঙ্গল ওয়ারিয়রস’ অমসুং কমলগঞ্জ রিজিওন গী ওইনা ‘ভানুগাছ আলফা’ হায়না মিংথোনবা টিম মরি অসি শরুক য়াখি।
নোংমগী টুর্নামেন্ট অসিদা ‘সিলেট চেম্পিয়ন ’ টিম না চেম্পিয়ন ওইখি অমদি ফ্রেন্ডস ফুটসাল ক্লাব টিম অসিনা রানার্স আপ ওইখিনা মপুং ফাবা টুর্নামেন্ট অমা ওইখি।মনা য়েনবগী থৌরমদা চীফ গেস্ট ওইনা সিলেট ডিস্ট্রিক্ট কাউন্সিলগী সিইও য়াইখোম সন্দিপ কুমার সিংহ না থৌরম মপু ওইনা মনা য়েন্থোকখি অমসুং টুর্নামেন্ট অসিবু মপুং ফাহনবদা মতেং পাংবিখি।
বাংলাদেশকী তোঙান তোঙানবা মফমদা খুন্দাদুনা লৈরিবা মীতৈ ইচিল ইনাউ শিংগী ওইনা হৌরকখিবা নহারোলশিংবু লাইরিক লাইশু তম্বগা লোয়ননা শানবগী লমদসু শরুক য়ারি হায়বশিগী পান্দমদা টুর্নামেন্ট অসি পাঙথোকপনি।অসিদা নত্তনা মণিপুর য়ুথ ফোরাম, বাংলাদেশ না অপুন্বগী শক্তম ঙাক্নবগী থৌরম কয়া লৌদুনা মখল মখা কয়াগী থবক থৌরম পাইখৎলি।
0 কমেন্ট:
কমেন্ট তৌবিয়ু