লময়ানবা মৈস্লাম ভূবন 'সাহিত্য রত্ন'
মৈস্লাম ভূবন, বরাক তম্পাল্কী শক্লাইরবা অইবা অমনি অমদি আসামগী মণিপুরী সাহিত্যগী লময়ানবা অমসুনি। মহারা ইবা বারী মচা 'ওক্তবা' নোংথোম্বম কুঞ্জমোহননা ইডিট তৌরগা 'পল্লেল' কৌবা মেগাজিনগী অহনবা চেফোঙ ইং ১৯৫২, মে দা ফোঙখি। বরাক তম্পাক্তা হায়রিবা বারী মচা অসিনা মীতৈ লোনগীদি ইহান হানবনি। ওজা অসিনা ইডিট তৌদুনা থা ২/২ দা ফোঙখিবা 'ঈচেল' কৌবা সাহিত্যগী মেগাজিন অমা ইং ১৯৭৯ দা পুথোকখি। চাং নায়না মথং মথং ইং ১৯৮৪ ফাউবা চৎখরশ্মী। মণিপুরী সাহিত্য পরিষদ, আসামনা পুথোকপা 'অনৌবা ঈচেল' অমসুং নহারোল খোরিরোল সিল্লুপনা পুথোকপা খোরিরোল অমদি মণিপুরী লিটরেরী ফোরামগী 'পাছা'দা চাং নায়না ওজাগী বারীমচা কয়া ফোঙখি। ইং ২০১৬ দা 'মীৎসু ৱা ভাংতি' হায়বা মশাগী বারী মচাগী লাইরিক অমসু পুথোকগ্রে।
সাহিত্যগী সংস্থান কয়াগসু খুৎশন্নরক্ষী। মণিপুরী সাহিত্য পরিষদ, আসামগী ফাউন্ডার মেম্বরনি। মণিপুরী লিটরেরী সোসাইটি, আসামগী ফাউন্ডার প্রেসিডেন্ট অমসুং মণিপুরী সোর্ট স্টোরি সোসাইটি, ইন্ডিয়াগী ফাউন্ডার ভাইস প্রেসিডেন্টসু ওইরম্মী। মহাক্কী বারী মচা কয়া সোর্ট স্টোরি সোসাইটিগী খোমজিনবা লাইরিকশিংদা ফোঙবা য়াওগ্রে। মপুন্সি চুপ্পা মণিপুরী খোরিরোল (সাহিত্য) গী সেবা তৌদুনা লাকখিবা মীশকনি। লৈখিদ্রবা শত্রুাইরবা অইবা 'সাহিত্য রত্ন' অসি নোংথোম্বম কুঞ্জমোহনগা হৌমিন্নরকপা অমসুং সাহিত্যগী লমদা শরুক য়ামিন্নদুনা লাকখি। শিনফমদি স্কুলগী ওজা নি। বাই. এস. মেমোরিয়েল হাইস্কুলগী ফাউন্ডার টিচরনি। ইং ১৯৬৭দগী ১৯৯৬ ফাউবা স্কুল অসিগী শিলচর বেরাখানদা ওজা ওইদুনা পুন্সি লেনখি।
ইংকুমজা ১৯৯৬ গী আগষ্ট ৩১ দা মহাক থবক্তগী পোথাখি। মৈস্লাম ভূবন, ইংকুমজা ১৯৩৫ গী নভেম্বরগী তাং ২৯, শগোলশেন নুমিৎতা তাইবঙ ফাওখি। মহাক্কী অপোকপগী মিং মৈস্লাম থম্বৌ সিংহ অমসুং অপোকপীগী মিংনা মৈস্লাম ওংবী মীকোই দেবী কৌই। মহৈগী থাক অসি মহাক অন্ডার-গ্রেজুয়েট নি। কাছাড় কলেজগী ছাত্র ওইরম্মী। ওজা অসিনা সাহিত্যগী লমদা তৌবিখিবা খুদোল কয়াবু শক খঙবিদুনা মণিপুরী সাহিত্য পরিষদ, আসামনা 'সাহিত্য ভূষন' মণিপুরী সাহিত্য পরিষদ, মেঘালয়ানা 'সাহিত্য সেবক' মণিপুরী লিটরেরী ফোরাম, মণিপুরী লিটরেরী সোসাইটি আসাম অমসুং মণিপুরী থিয়েটর সেন্টার, শিলচর রংপুরনা তোঙান তোঙানবা থৌরমশিংদা থাগৎচে পীদুনা ইকাইখুম্নখিবা শাইরবা মীশকনি। হৌখিবা ইংকুমজা ২০১৮ দা ইম্ফালদা মণিপুরী সোর্ট স্টোরি সোসাইটি, ইন্ডিয়ানা চহী ২৫ শুবগী 'লুপা ফুদোংবা' থৌরমদা শক্লাইরবা অইবা অমা ওইনা 'রাজকুমার শীতলজিৎ লাইফটাইম এচিপমেন্ট এবার্ড' পীদুনা ইকাইখুম্নখি। জননেতা ইরাবত মেমোরিয়েল সোসাইটি, ইন্ডিয়া, লক্ষিপুরনসু ইং ২০১৯ গী সেপ্টেম্বর
৩০ দা নেশনেল এবার্ড পীদুনা ইকাইখুম্নখি। লক্ষিপুর অহল মরূপনসু অখন্নবা নাগরিক অমা ওইনা ইং ২০২০ দা ইকাইখুম্নখি। ওজা মৈম্নাম ভূবননা মতম শাংনা মণিপুরী খোরিরোলগী লমদা তৌবিখিবা খুদোল রয়াবু শীংথাদুনা মণিপুরী ল্যাঙ্গুয়েজ ডেভেলপমেন্ট সোসাইটি (মালাদেশ), আসামনা ইং ২০২০ দাচহী ২৮ শুবা মণিপুরী লোন নীংশিং থৌরমগা মরী লৈননা লক্ষিপুরদা 'খোরিরোয় অথোয়বা' (সাহিত্য রত্ন) হায়বা উপাধি পীদুনা ইকাইখুম্নখি। বরাক তম্পাক অমদি আসাম লৈবাকী শত্রুাইরবা সাহিত্যকার অসি হৌথিবা ফেব্রুবারী ৮ (ইং ২০২৬) ফাইরেনগী ২২ নি পানবা (৭ নি কোনবা) নোংমাইজিং নুমিত্তা তাইবঙপান থাদেরগা মপুনাক্তা হনন্ত্রে। লৈখিদবা মতমদা মাযাগী চহী ৯১ শুখে। মহাক ঘুম পানখিদে। মহাক মণিপুরী সাহিত্যগী লৈকোন্দা থরানমিচাক অমণ্ডম ভাল্লম্বা মীশক অমনি। মণিপুরী সাহিত্যগী অতিয়াদা ভাল্লম্বা অরংবা থরানমিচাক অমনা খঙহৌদনা কেনখিবদা থম্মোয় শোক্লা নুংঙাইতবা ফাওই। মাগী থবায় মিরেলনা তাইবঙ মপুগী নাক্তা ঈংনা তপ্না অমদি নুংঙাইনা লৈবা ওইরসনু হায়দুনা তাইবঙ মপুদা নিজরি।।
0 কমেন্ট:
কমেন্ট তৌবিয়ু