• 931
• ২১শে অক্টোবর ২০২১ ইং
• Share on:

লমাবম লিলি ‘না মণিপুরীদা হন্দোকপা বাংলাগী শৈরেং খরা

[ লমাবম লিলি, শিলচর, আসাম। মণিপুরী লোনদা শৈরেং, ৱারেং, অমসুং ৱারীমচা ইবদা খূৎলোইরবা কবি অমসুং অইবী অমনি। মহাক হন্দোকলোয় অমসুনি।]   চৎপগী ন

[ লমাবম লিলি, শিলচর, আসাম। মণিপুরী লোনদা শৈরেং, ৱারেং, অমসুং ৱারীমচা ইবদা খূৎলোইরবা কবি
অমসুং অইবী অমনি। মহাক হন্দোকলোয় অমসুনি।]

চৎপগী নুমিৎতা

(যাবার দিন)
                                     রবীন্দ্রনাথ ঠাকুর

চৎপগী নুমিৎতা ৱাফম অসি হায়রম্লগা চৎকে
যাহাবু উজখিবা, যাহাবু ফংজখিবা, লৈতে মদুগী চাংদম্নবা।
সমুদ্রগী মঙাললক্তা, থম্বাল চামনিপালনা নিংতম্লিবা
থক্লে মদুগী খোইহি, লাইবক ফবনি ঐ অদুনা।
চৎপগী নুমিৎত্তা ৱাফম অসি হায়রম্লগা চৎকে
তাইবং শক্লোনগী শান্নয়ুমফমদা, শান্নখরে কয়া অমা,
য়েংলে নিংথিজরবা শক্তমদু ইমিৎ অনিসি শন্দোক্না।
শোকপা য়াদবা অদুদা, লৈরম্লে মহাক হকচাং পূম্বদা,
মফমসিদা লোয়শিনলবদি, লোয়শিনবিয়ু মদুমক,
চৎপগী নুমিৎতা ৱাফম অসিমক হায়রম্লগা চৎকে।

ঈ তৈরবা মফম

(রক্তের দাগ)
                                       শক্তি চট্টোপাধ্যায়

নিঙমদ্রবা ঈ গী খুদম অমা থম্লম্মী অমম্বদা
মকোক য়াওদ্রবা লংলবা লোলথোক্ত্রবা নহা অমগী হকচাং।
হাংদুনা লৈরম্মী লৈরক্কী য়ুম্বুগী থোংনাওদুগা
মখুম য়াওদ্রবা থাংশাং মীহাৎপগী
তমথিরবা ৱাহং অমত্তসু লৈখিদে মীৎতাঙলবা
অউবা মীশক অদুগী।
মমিৎতা নত্রগা খোঞ্জেলদসু লৈতে
শেংফাত্রবা খোন্থোক অমত্তসু;
করিগীনো তমথিরবা মীহাৎসে? করিগীনো
মীনুংশি য়াওদ্রবা অশাওবসি?
অঙাং নৱাগী মতমসিদা ঐগী ইচা অদুনবু
করিবু তৌখ্রবগে?
করম্বা মরালদা তগৎ তগৎ লাওরবা থৱায়
অমনা অমম্বদা?
মশাগী ওইজথিবগীদমক্তা নত্তে, মহাক ঈহৌবু নিজরুবগী মরালরা?

লেপ্পীয়ু

( দাঁড়াও)

                                          শক্তি চট্টোপাধ্যায়

য়াম্না কপ্লি মী, মী ওইনা নত্তে লেপ্পীয়ু নাক্তা
মীওইবনা লাং থাক্লি,নঙ মহাক্কী নাক্তা লাকতুনা
লেপ্পীয়ু,
নঙবু অয়ুক্তগি নিংশিংলি নঙগুম্না
য়াচংবদসু নিংশিংলি, অহিংদসু নিংশিংলি
মী য়াম্না নাইদোম তারবনি, নঙ লেপ্পীয়ু মনাক্তা
লেপ্পীয়ু লাক্তুনা, লেপ্পিয়ু তাওথরদুনা
অমসুং লেপ্পীয়ু নুংশিবীদুনা
য়াম্না কপ্লি মী, নঙ মী ওইনা লেপ্পীয়ু নাক্তা লাকতুনা
মী য়াম্না নাইদোম তারবনি
নঙ লেপ্পীয়ু মনাক্তা লাকতুনা।