রাইতর ওব দি ইয়ার প্রোঃ নোংমাইথেম তৌম্বীদা পীরগনি
ইম্ফাল, জুন ২৫ : নহারোল সাহিত্য প্রেমী সমিতি, ইম্ফালনা মণিপুরী সাহিত্যদা মমল নাইদ্রবা খুদোল তৌরিবা অইবা-অইবীশিং দা চহী খুদিংগী পীবা লেমজনিংঙাই ওইরবা ‘রাইতর ওব দি ইয়ার-২০২৪’ (লাইফ তাইম অচিবমেন্ত এৱার্দ) মণিপুরী সাহিত্যগী শক্নাইরবা অইবা অমসুং লিতরেরী ক্রিতিক প্রোঃ নোংমাইথেম তোম্বীদা পীরগনি হায়না লাউথোকখ্রে।
নহারোল সাহিত্য প্রেমী সমিতি, ইম্ফালগী জেনরেল সেক্রেতরি দাঃ হুইরোম তেম্বানা থাদোরকপা চেরোল অমনা হায়, থা অসিগী তাং ২২ দা ফমখিবা সমিতিগী একজিক্যুতি কমিতিগী মীফম্না কুপ্না খন্নরবা মতুংদা মনা পীবগী ৱারোপ অসি লৌখিবনি। প্রোঃ তোম্বীনা অহলগী মতম ওইরবা ফাওবদা মণিপুরী সাহিত্য চাওখৎনবা,ইবা অমসুং নৈনবগী লমদা চোকথবা নাইদনা তৌরিবা খুদোল কয়াবু শকখঙবা অমসু ইকায় খুম্নবা উৎপা ওইনা মনা অসি পীনবা মহাকপু খনখিবনি।
প্রোঃ তোম্বীনা হৌজিক ফাওবদা মশানা এদিৎ তৌবা অমসুং খোমজিনবা লাইরিক ১৯ ফোঙখ্রে মহাক সাহিত্যগী মনা মথুম কয়া ফংখ্রবা অমসুং মণিপুরী সাহিত্যদা ফিদা চাউনা ফংলিবা অতাঙবা অইবনি হকচাংগী পাঙ্গলনা ময়েং তারবা ফাওবদা হৌজিক হৌজিকসু খুৎথাবা লেপত্রিবা অইবনি। এৱার্দ অসি মথং থা জুলাই ১২ দা মণিপুর প্রেস ক্লবকী লোক্তাক হোলদা পাঙথোক্কদবা সমিতিগী ২৫ শুবা অইবশিংগী নুমিৎ থৌরমদা লান্থোক্কনি। নুমিৎ অসিগী অনিশুবা সেসন্দা হৌখিবা জনু ২দা ঈশিং ঈচাওনা মরম ওইদুনা য়ৈথোকখ্রবা সীম্পোজিয়াম ওন মণিপুরী কলচরগী থৌরমসু পাঙথোক্কনি হায়না চেরোল অসিনা মখা তারি।
সোর্স: পোক্নফম
0 কমেন্ট:
কমেন্ট তৌবিয়ু