মৈতৈ চহী অনৌবা হৌবগী কুম্মৈ ‘চৈরাউবা কুম্মৈ’ পাঙথোকখ্রে
কমলগঞ্জ, ৩১ মার্চ : মৈতৈ নাৎকী ওইবা তোপ তোপপা মশক কয়াগী মনুংদা মৈতৈ চৈরাউবা কুম্মৈসু অমনি, ঙরাং নিংথৌকাবা নুমিৎ (৩০ মার্চ) মৌলভীবাজার ডিস্ট্রিক্টকী কমলগঞ্জ উপজেলা আলীনগর ইউনিয়ন মনুং চনবা মঙ্গলপুর মৈতৈ খুলদা নাৎকী ওইবা চৈরাউবা কুম্মৈ (মলিয়াফম ৩৪২৩) থৌরম পাঙথোকখি।
নুমিৎচুপ্পা পাঙথোকখিবা কুম্মৈগী অহৌবদা অয়ুক পুং ১১ তাবদা নেশনেল ফিরাল অমসুং মৈতৈগী মচু তরেৎকী ফিরাল হাইগৎতুনা ময়াম্না ইকাইখুম্নবা উৎখি, মথংদা মৈতৈ খুঙ্গং মনুংদা র্যালী অমাসু চৎখি। র্যালী লোইরনা মতুংগা সরোইখাংবা মথংদা মঙ্গলপুর মন্ডপতা টিম ১২ শরুক য়াদুনা লিকোন শানবগী টুর্নামেন্ট অমসু পাঙথোকখি।
নুমিদাংগী পুং তরেৎ তাবদা মৈতৈ চৈরাউবগা মরী লৈননা নৈনা-মিফম অমসু পাংথোকখি, মিফম অদুদা মৈতৈ চৈরাউবা কমিটিগী কনভেনর প্রদীপ কুমার সিংহ না থৌরম মপু অমসুং অথোইবা মীথুংলেন ওইনা বাংলাদেশ ইন্ডাস্ট্রিয়েল টেকনিকেল এসিস্টেন্স সেন্টার (বিটাক) গী ডাইরেক্টর (এডিশনাল সেক্রেটারী) পরিমল সিংহনা শরুক য়াখি। অদুগা অখন্নবা মীথুংলেন ওইনা সিলেট জিলা পরিষদকী চিফ এক্সিকিউটিব অফিসার সন্দিপ কুমার সিংহ, জাতীয় রাজস্ব বোর্ড কী অতিরিক্ত কর কমিশনার শান্ত কুমার সিংহ, সিলেট ডিভিশন কমিশনার অফিসকী চীফ এক্সিকিউটিব অফিসার অরূপ রতন সিংহ, কমলগঞ্জ উপজেলাগী চীফ এক্সিকিউটিব অফিসার মাখন চন্দ্র সূত্রধর, কমলগঞ্জ উপজেলা প্রোজেক্ট ইমপ্লিমেন্টেশন অফিসার প্লাবন পাল, মণিপুরী কালচারাল কমপ্লেক্সকী প্রেসিডন্টে ওজা জয়ন্ত কুমার সিংহনা শরুক য়াখি।
অরোইবদা থাবল চোংবগী থৌরম অমসু পাঙথোকখি হায়রি।
0 কমেন্ট:
কমেন্ট তৌবিয়ু