• 810
• ২০শে ফেব্ররুয়ারি ২০২৩ ইং
• Share on:

মেমচৌবী অমসুং ইবেমহলগী লাইরিক অনী ফোঙখ্রে

ইম্ফাল, ফেব্রুয়ারি ১৯: অরাম্বম ওংবী মেমচৌবীনা ইবা লমকোয় ৱারী লাইরিক ‘কোরতোয়া তোর্ব্বান্দ” অমসুং লাইরেনলাকপম ইবেমহলনা ইবা শৈরেং লাইরিক “ঐ মীনি” হায়না মিংথোনবা লাইরিক অনী ঙসি ফোঙখ্রে।

রাইটার্স ফোরাম ইম্ফালনা শীন্দুনা মণিপুর লেজিস্লেতিব এসেমব্লী ম্যুজিয়ম এন্দ আর্কাইব্সতা পাঙথোকখিবা লাইরিক অনী অসি ফোঙবগী থৌরম অদুদা রাইটার্স ফোরাম ইম্ফালগী প্রেসিদেন্ত কৈশাম প্রিয়োকুমার অমসুং রাইটার্স ফোরাম ইম্ফালগী ভাইস প্রেসিদেন্ত ইরংবম বসন্তনা প্রেসিদিয়াম মেম্বার ওইনা শরুক য়াখি।

থৌরম অদুগা মরী লৈননা রাইটার্স ফোরাম ইম্ফালগী প্রেসিদেন্ত কৈশাম প্রিয়োকুমারনা হায়, ঙসি ফোঙলিবা লাইরিক অসি রাইটার্স ফোরাম ইম্ফালগী ২২৭ অমসুং ২২৮ শুবা লাইরিকনি। রাইটার্স ফোরাম ইম্ফালনা লিংখৎলকপগী পান্দমসু লাইরিক্তি ইরগা ফোঙবা ঙমদবা ময়াম অসি পূনশিল্লগা মরূপ অমা লিংখৎলগা থা-থাগী ওইনা পৈশা খায়নরগা ফংলকপা অদুনা লাইরিক ফোংবনি। শম্না লাইরিক্তি ইরগা ফোংবদি ঙমজদবশিং অদুবু নমদুনা লাইরিক ফোংহনবনি হায়না ফোঙদোকখি।

ঙসিগী থৌরম অদুগা মরী লৈননা অরাম্বম ওংবী মেমচৌবীনা ইবা “কোরতোয়া তোর্ব্বান্দা” হায়না মিংথোনবা লমকোয় ৱারী লাইরিক অসিগী মতাঙদা এম য়ুগী মণিপুরী দিপার্তমেন্তকী এসোসিয়েত প্রোফেসার দাঃ ৱাহেংবম কুমারী চনুনা ৱা ঙাঙখি। অদুগা লাইরেনলাকপম ইবেমহলনা ইবা ‘ঐ মীনি’ হায়বা শৈরেং লাইরিক অসিগী মতাঙদা এম য়ুগী মণিপুরী দিপার্তমেন্তকী রিসার্চ স্কোলার নন্দো নিংঙোম্বনা ৱা ঙাঙখি।

সোর্স: পোক্নফম