• 665
• ১৬ই ডিসেম্বর ২০২৩ ইং
• Share on:

মীতৈ চনু লিসিপ্রিয়া কাঙুজম ইম্ফালদা থুংলখ্রে

ইম্ফাল, দিসেম্বর ১৫ : মণিপুরগী চহী নৌরিবা ক্লাইমেট এক্টিভিস্ট লিসিপ্রিয়া কাঙুজম ঙসি ইম্ফালদা থুংলখ্রে। মহাকপু লমদম অসিগী মীয়াম্না হরাও-তয়াম্না ওকখ্রে। লিসিপ্রিয়ানা ইম্ফাল ইন্টারনেসনেল এয়ারপোর্টতা থুংলবগা পাউমীশিংদা ফোঙদোকখিবদা, মহাক মশা চুড়াচান্দপুরদা চৎনবা থৌরাং তৌরি। অদুবু মদুগী মমাঙদা মণিপুরগী চীফ মিনিষ্টার এন বিরেনগা উন্নদুনা সেক্যুরিটি মতিক চানা পীবা য়াগদ্রা হায়বদু খন্নগনি হায়খি।

লিসিপ্রিয়া কাঙুজমনা মখা তারদুনা, মণিপুরদা পাক্তক্ননা উমং কোকথোক্তুনা পোপি পাম্বী থাবা অসিসু ক্লাইমেট চেঞ্জগা এক্টিভিষ্ট অমা ওইনা মহাক্না মফম কয়াদা ৱা ঙাঙবা, মালেমগী লুচিংবা কয়াগা উন্নবা অমদি ইন্টারনেসনেলগী পাউমীশিংগা উন্নবদা মহাক্না তাঞ্জা লৌদুনা মণিপুরগী ঈরাং অসিগী মতাংদসু পাউদমদুনা লাক্লি। থোক্লিবা ঈরাং অসিগী মতাংদসু পাউদমদুনা লাক্লি। থোক্লিবা ঈরাং অসিগী মতাংদা মালেমগী লুচিংবশিংদা খঙহনবসু লৈখ্রে হায়খি।

পাউমীশিংনা হংবা ৱাহংগী পাউখুমদা লিসিপ্রিয়ানা হায়, ঐখোয়গী অকোয়বগী ঈশিং-নুংশি, অঈং-অশা অমদি নোংজু নুংশাগী খলদা চাওনা অহোংবা লাকপ অসিগী মতাংদা মহৈরোয় অমা ওইনা মহাক্কী ওজাশিং অমদি অখঙ অহৈশিংদা হংলূবদা ক্লাইমেট চেঞ্জ হায়না খঙনবা মালেমগী ওইবা অহোংবা অসিনি হায়বা খঙলকখি। লোয়ননা অহোংবা অসিনা মীয়ামদা পীরিবা খুদোংচাদবা কয়া অসি খরগা ওইরবসু কোকহন্নবগী ৱাখল্লোন্দা ক্লাইমেট চেঞ্জগী মরী লৈননা মহাক্কী লুপ হৌদোক্তুনা মরী লৈনবশিংগী পূক্নিং চিংনবা হৌরকখিবনি। মালেমগী লুচিংবশিংনা ক্লাইমেট চেঞ্জগী মতাংদা ফজবা ফজবা ৱাফম কয়া থমদুনা থৌরাং কয়া পায়খৎনবা থেংখাং কয়ারক্তা ৱাফম কয়া ফোঙদোক্নখ্রবসু ঙসি ফাওবা চিনগা-খূৎকা মান্নদবা অসিদা পেন্দবা ফাওই। মরম অসিদগী হন্দক দুবাইদ া পাঙথোকখিবা কোপ ২৮ গী মীফম মনুং  চন্না ফোসিল ফোইলগী মতাংদা মালেমগী মকোক থোংবা লুচিংবশিংগী মীফমদা মহাক্না বেনর পায়দুনা খোঙজং চঙশিনখিবনি হায়খি।

সোর্স: পান্দম