• 623
• ১লা জানুয়ারী ২০২৪ ইং
• Share on:

মণিপুর এনবাইরোনমেন্ত কেলেন্দর-২০২৪ ফোঙখ্রে

ইম্ফাল, দিসেম্বর ৩০ : মণিপুর গবর্নমেন্তকী দিরেক্তোরেত ওব এনবাইরোনমেন্ত এন্দ ক্লাইমেত চেঞ্জনা চহী খুদীংগী ফোঙবগুম মণিপুর এনবাইরোনমেন্ত কেলেন্দর-২০২৪ দিপার্টমেন্ত অসিগী মিনিস্তর থোঙাম বিস্বজিৎনা সঞ্জেন্থোংদা লৈবা মহাক্কী ক্বার্তরদা ঙসি ফোঙখ্রে।
লাক্কদৌরিবা চহী ইং ২০২৪ গী কেলেন্দর অদু ফোঙলবা মতুং মিনিস্তর বিশ্বজিৎনা হায়, মীওইবা ঐখোয়না মহৌশাগী ফীবমদা য়ৈখায়-থিনগায়বা পীরুবনা মালেমগী ওইনা মহৌশাগী খলদা চাউনা অহোংবা লাকখ্রে। মসিনা ঐখোয়না হিংবদা শীংনবা কয়া মায়োক্নরক্লি। মরম অদুনা লমদম অসিদা খুন্দামিন্নরিবা ফুরুপ কাঙলূপ খূদীংমক্না উমং-ৱামং য়োকখত্তুনা মহৌশাগী ফীবম কায়হন্দনা থম্নবা হোৎনবদা পূন্না থৌদাং লৌমিন্নবা চঙই।

মিনিস্তরনা হায়, মরী লৈনবা লোইশঙ অমা ওইরিবা দিরেক্তোরেত ওব এনবাইরোনমেন্ত এন্দ ক্লাইমেত চেঞ্জনা অকোয়বগী ফীবম, মহৌশাগী খল ঙাক্তুনা থম্নবা তোঙান-তোঙানবা প্রোজেক্ত, মিসন অমসুং থবক-থৌরম কয়া লৌখৎলক্লি। গবর্নমেন্তকী মখাদা এনবাইরোনমেন্ত কন্নবা পায়খৎলক্লিবা কয়া অসি য়ূমথোঙ খুদীং য়ৌহন্নবা পান্দমদা মণিপুর এনবাইরোনমেন্ত কেলেন্দর অসি ফোঙবনি।

কেলেন্দর অসিগী জানুয়ারি-দিসেম্বর থা ফাওবদা চৎলিবা চহী ২০২৩ অসিগী মনুঙদা পায়খৎখিবা প্রোগ্রাম, স্কিম অমসুং থবক-থৌরম খুদীংমক মচা খায়না ঊৎলে। অসিদা নত্তনা খ্বাইদগী মরু ওইবদা কেলেন্দর অসিগী অনীশুবা লমায়দা এনবাইরোনমেন্তকা মরী লৈনবা ওবজার্বেসনগী নুমিৎশিং ময়েক শেংনা য়াওরি। স্তেত অসিদা এনভাইরোনমেন্ত য়োকখৎনবা করি করম্বা খোঙথাংশিং লৌখৎলিবগে হায়বসি কেলেন্দর অসিগী মতেঙনা নেসনেল অমসুং ইন্তারনেসনেল লেবেল য়ৌনা খঙহনবদসু খুদোংচারগনি হায়না মিনিস্তর বিস্বজিৎনা ফোঙদোকখি।

সোর্স: পোক্নফম