• 23
• ১৬ই অক্টোবর ২০২৪ ইং
• Share on:

মণিপুরী শৈরেংগী নুমিৎ পাঙথোক্লগনি

ইম্ফাল, ওক্টোবর ১৫ : চহী খুদীংগী মেরাগী থানিল (পূর্ণিমা) নুমিৎতা মালেমগী মণিপুরী তাবা মফম কয়াদা পাঙথোক্লিবা মণিপুরী শৈরেংগী নুমিৎকী মপূং ওইবা থৌরম লাক্লিবা ওক্টোবর ১৭ তা ফিক্সন এন্দ পোইত্রি ক্লব মণিপুরনা শীন্দুনা কৈশাম্পাৎতা লৈবা দি আই পি আরগী ওদিতোরিয়মদা অয়ুক পূং ১১.৩০ তাবা মতমদা পাঙথোক্লগনি হায়রি।

থৌরম অসিদা মণিপুরী লেংগ্বেজ এদভাইজরি বোর্দ, সাহিত্য একাদেমিগী কনভেনর প্রোফেসর রাজেন তোইজাম্বনা চীফ গেস্ত, সি ওয়েবস মণিপুরগী হান্নগী প্রেসিদেন্ত য়েংখোম ইন্দিরানা গেস্ত ওব ওনর অমসুং ক্লাব অসিগী প্রেসিদেন্ত দাঃ হৈস্নাম বুধিচন্দ্রনা প্রেসিদেন্ত ওইনা শরুক য়াগনি।

লাইওইখ্রবা মণিপুরী লোলগী অশৈবশিংগী মফমদা হৈকৎ লৈকৎ তম্বা, মণিপুরী লোলগী শক্নাইরবা অশৈবা অহুম, থাংজম ইবোপিশক, ৱাংখৈ, সলাম তোম্বা, তৌবুল, কেংবা য়েংখোম, ককচীংনা মণিপুরী শৈরেংগীদমক শাংলবা চহী কয়া কত্থোকপগা লোয়ননা লৌরক্রিবা মমল নাইদ্রবা থৌদাংগীদমক মখোয়বু ইকায়খুম্নবা ঊৎপা, নিঙোম্বম নন্দো সিংহনা এদিতর ওইবা ফিক্সন এন্দ পোইত্রি ক্লাব মণিপুরগী রিসার্ছ জর্নেল মপাউগী ২৩ শুবা মশীং ফোঙবনা নুমিৎ অসিগী মপূং ওইবা থৌরম ওইগনি হায়রি।

সাহিত্য একাদেমি এৱার্দি লনচেনবা মীতৈ, সাহিত্য একাদেমি এৱার্দি বিরেন্দ্রজিৎ নাওরেম অমসুং মণিপুরী লেংগ্বেজ এদভাইজরি বোর্দকী হান্নগী কনভেনর নোংমাইথেম কিরনকুমারনা চেয়ার লৌবা সেসন অহুম থোক্না শৈরেং শৈদিন্নবগী থৌরমসু পাঙথোক্কনি হায়রি।

মণিপুরী শৈরেংবু হেন্না চাওখৎহন্নবা পান্দমদা পাঙথোক্কদৌরিবা থৌরম অসিদা লমদম অসিগী অইবা অইবীশিং, মণিপুরী খোরিরোল, মণিপুরী শৈরেংবু নুংশিবীবা খ্বাই মীয়াম্না থৌরম অসিদা শরুক য়াবীয়ু হায়না পাঙজেল্লক্লি।

সোর্স: পোক্নফম