বাংলাদেশ মণিপুরী ছাত্র সমিতি (বামছাস) না প্রাইমারী অমদি জুনিয়র স্কলারশিপ পরীক্ষা লৌখ্রে
সিলেট, অক্টোবর ১৫ : হৌখিবা ১৪ ওক্টোবর’২২ ইরাই নুমিৎ বাংলাদেশ মণিপুরী ছাত্র সমিতি (বামছাস) না চহীগী লৌবা অখন্নবা প্রাইমারী অমদি জুনিয়র স্কুলগী স্কলারশীপ পরীক্ষা তোঙান তোঙানবা জোন তরুক্তা খাইদোক্তুনা পরীক্ষা লৌখ্রে হায়দুনা চেরোল অমদা খংহনলকখি।
চত্থখিবা স্কলারশিপ পরীক্ষাগী মিকুম অমা, ভানুগাছ জোনগী তেতইগাঁও রশিদ উদ্দিন উচ্চ বিদ্যালয়, আদমপুর বাজার, কমলগঞ্জ।
বামছাসকী চেরোল অদুদা ফোংদোরক্লি, হায়রিবা জোন তরুক অদুদি সিলেট জিলা জোনগী মির্জ্জাজাঙ্গাল বালিকা উচ্চ বিদ্যালয়, হবিগঞ্জ জিলা জোনগী বিশগাঁও মণিপুরী ক্লাব, শ্রীমঙ্গল জোনগী রামনগর মণিপুরী পাড়া ধর্মশালা কক্ষ, ভানুগাছ জোনগী তেতইগাঁও রসিদ উদ্দিন উচ্চ বিদ্যালয়, কুলাউড়া জোনগী মণিপুরী সাংস্কৃতিক একাডেমী অমদি জুড়ী জোনগী ছোটধামাই সরকারী প্রাথমিক বিদ্যালয়দা পাংথোকখিবা পরীক্ষা অদুদা মহৈরোয় ১৫০ রোম শরুক য়াখি হায়রি।
পনবা য়াই, বাংলাদেশকী মণিপুরী মহৈরোয়শিংগীদমক ১৯৮৪ খ্রিস্টাব্দদা লিঙ্খৎখিবা লূপ অসিনা ১৯৯১দগী প্রাইমারী অমদি জুনিয়র স্কলারশীপ পরীক্ষা লৌদুনা লাকখিবনি।
0 কমেন্ট:
কমেন্ট তৌবিয়ু