বাংলাদেশতা মৈতৈ চহি অনৌবা হৌবগী কুম্মৈ 'শজিবু চৈরাওবা' পাঙথোকখ্রে
সিলেট, ২০ মার্চ : ' শজিবু চৈরাওবা (মণিপুরী নববর্ষ ) উদযাপন কমিটি - ২০২৬ ' না শিনলাংদুনা ঙরাং শগোলশেন নুমিৎ (১৯ মার্চ) মৌলভীবাজার ডিস্ট্রিক্টকী কমলগঞ্জ উপজেলাগী হুমেরজান (নীলকুঠি) মৈতৈ খুলদা নাৎকী ওইবা শজিবু চৈরাউবা কুম্মৈ (মলিয়াফম ৩৪২৪) থৌরম পাঙথোকখ্রে।
নুমিৎচুপ্পা পাঙথোকখিবা কুম্মৈগী অহৌবদা অয়ুকতা নেশনেল ফিরাল অমসুং মৈতৈগী মচু তরেৎকী ফিরাল হাইগৎতুনা ময়াম্না ইকাইখুম্নবা উৎখি, মথংদা মফম অদুদা লৈরিবা মিয়াম্না শরুক য়াদুনা র্যালী অমসু চৎখি। র্যালী লোইরবা মতুংগা সরোইখাংবা মথংদা খুঙ্গং অদুগি মন্ডপতা লিকোন শানবগী টুর্নামেন্ট অমসু পাঙথোকখি।
অদুগা নুংথিলদা মৈতৈ চৈরাউবগা মরী লৈননা নৈনা-মিফম অমসু পাংথোকখি, মিফম অদুদা শজিবু চৈরাওবা (মণিপুরী নববর্ষ ) উদযাপন কমিটি - ২০২৬' গী কনভেনর অবুজম মণিভদ্র না থৌরম মপু অমসুং অথোইবা মীথুংলেন ওইনা কমললগঞ্জ উপজেলাগী ইউ এন ও মিস্টার মোঃ আসাদুজ্জামান শরুক য়াখি। অদুগা অখন্নবা মীথুংলেন ওইনা মণিপুরী কালচারাল কমপ্লেক্সকী প্রেসিদেন্ট ওজা জয়ন্ত কুমার সিংহ, কমলগঞ্জ থানাগী অফিসার ইনচার্জ মিস্টার মোঃ আব্দুল আউয়াল, একডোগী এক্সিকিউটিভ ডিরেক্টর ওজা লক্ষ্মীকান্ত সিংহ অমসুং মৌলভীবাজার ডিস্ট্রিক্ট বি এন পি, আহ্বায়ক কমিটিগী মেম্বর মিস্টার মোঃ দুরুদ আহমেদ শরুক য়াখি।
মীথুংলেনশিং অমদি ময়ামগী মায়কৈদগী অনৌবা চহি চৈরাওবনা লাকপদা লমদম অসিদা ঈং-তপ্পা, তংদু লৈতাবা, নুংঙাই য়াইফবা, মান্নবা চাওখৎপা খুন্নাই অমা ওইরসনু হায়না থৌনিজখি । লোয়ননা হৌজিক হৌজিক ইমালমদম মণিপুরদা থেংনরিবা অৱাবা, তংদু লৈতাদবশিং অসি কোকহন্দুনা ঈং-তপ্পা চাওখৎপা মণিপুর অমা পুরকপা ওইরসনু হায়না তাইবং শেম্বা মপুদা থৌনিজখি হায়রি।
অরোয়বদা থাবল চোংবগী থৌরমনা নোংমগী পাংথোকপা ফেষ্টিভেলগী থৌরম লোয়শনখি।
0 কমেন্ট:
কমেন্ট তৌবিয়ু