বাংলাদেশতা জননেতা হিজম ইরাবতকী ১২৬ সুবা মপোক কুমওন পাংথোকখ্রে
সিলেট, সেপ্টেম্বর ৩০: হীরম কয়াদা মতিক মগুন লৈরবা জননেতা হায়না খংনরবা মীয়ামগী লুচিং পুরেন লময়ানবা হিজম ইরাবতকী ১২৬শুবা মপোক কুমওন বাংলাদেশতসু চীং লেম্না পাংথোকখ্রে। ঙসি ৩০ সেপ্তেম্বর কমলগঞ্জ উপজেলা মনুং চন্না লৈবা ৭নং আদমপুর ইউপিগী ভানুবিল মাঝেরগাঁওদা লৈবা মণিপুরী কমপ্লেক্সতা অয়ুক পুঙ তরামাথোয় তাব মতমদা ফিরাল চিঙ্খৎলবা মতুং ইরাবতকী মীতমদা হৈকৎ-লৈকৎ কৎতুনা থৌরম হৌদোকখি।
ইন্টিগ্রেটেড মণিপুরী এসোসিয়েশন (ইমা) বাংলাদেশনা শিল্লাংদুনা জননেতা হিজম ইরাবতকী মপোক কুমওনগা মরি লৈননা নৈন-মীফম অমসু পাংথোকখি। সমেন্দ্র সিংহনা কন্ডাক্ট তৌখিবা মীফম অদুদা শকনাইরবা অইবা কবি একে শেরামনা অথোইবা মীথুং , ইমাগী ওর্গানাইজিং সেক্রেটারী অহৈবম রণজিতনা থৌরম মপু, অমদি কৈসাম মণিন্দ্র, হান্নগী প্রেসিডেন্ট, বাংলাদেশ মণিপুরী কাং ফেডারেশন অমসুং ফ্রিডম ফাইটার বীর মুক্তিযোদ্ধা মাইমোম মনমোহননা অখন্নবা মীথুংলেনশিং ওইনা শরুক য়াখি। থৌরম অদুদা ৱাঙাংলোয় ওইনা লৈচোম্বম রাজকুমার, ভীমসেন মীতৈ, ওয়াই নৃপেন, কৈসাম ব্রজকিশোরসু শরুক য়াখি।
0 কমেন্ট:
কমেন্ট তৌবিয়ু