• 4
• ৯ই ডিসেম্বর ২০২৩ ইং
• Share on:

বাংলাদেশকী শকনাইরবা পলিটিশিয়ান অমসুং খুন্নাইগী লুচিংবা ধীরেন সিংহ লৈখিদ্রবগী নিংশিং থৌরম পাঙথোকখ্রে

সিলেট, দিসেম্বর ৯  :
বাংলাদেশকী শক্নাইরবা পলিটিশিয়ান অমসুং মৈতৈ খুন্নাইগী লুচিংবা কমরেড ফলেম ধীরেন সিংহ লৈখিদবগী অহানবা নিংশিং থৌরম পাঙথোকখ্রে। মণিপুরী যুব সমিতি (বামযুস) না শিল্লাংদুনা ঙরাং (৮ ডিসেম্বর ২০২৩) ইরাই নুমিৎ শিবগঞ্জ খুঞ্জাদা লৈবা (মণিপুরী ডেভেলপমেন্ট সেন্টার) উইভিং দা নুংথিং পুং অহুম মখায়দা পাঙথোকখি।
থৌরম অহৌবদা মিনিট অমা তুমিন্না লেপ্তুনা লৈখিদ্রবা ওজা ধীরেনগী মফমদা ইকায়খুম্নবা উৎখি। মথংদা ডায়েসটা খিল্লিবা ওজা ধীরেন সিংহগী মীতমদা তিনবিরিবা ময়ামনা  লৈ কৎতুনা ঈকায়খুম্নবা উৎখি।

নিংশিং থৌরমদা ওইনাম সত্যজিৎ সিংহনা কন্ডাক্ট তৌরদুনা মণিপুরী যুব সমিতিগী সভাপতি লোংজম নীহার সিংহনা ময়াই তাংবল লৌবিরগা নিংশিং ৱা ঙাংবিখী বাংলাদেশ মণিপুরী মহিলা সমিতিগী প্রেসিডেন্ট সাইরেম রীনা দেবী, মণিপুরী যুব সমিতিগী জেনারেল সেক্রেটারী এম. মহেন, জয়েন্ট সেক্রটারী ওয়াই. লাড়ু, মসকপ কী জেনারেল সেক্রেটারী মাইবম উত্তম সিংহ রতন, মণিপুরী রথযাত্রা উদযাপন কমিটিগী জেনারেল সেক্রেটারী নৃপেন্দ্র সিংহ, বাংলাদেশ মণিপুরী সাহিত্য সংসদ কী জেনারেল সেক্রেটারী নামব্রম শংকর, বামসাস কী জয়েন্ট সেক্রেটারী সমরেন্দ্র সিংহ, সিলেট জেলা প্রেসক্লাবকী জয়েন্ট জেনারেল সেক্রেটারী রবিকিরণ সিংহ রাজেশ, অহৈনবা স্কালপচার সোরাইজম জওহর লোয়ননা ওজা কমরেড  ধীরেন সিংহ লোয়নবী শান্তনা দেবী য়াওনা নিংশিং ৱাহৈ কয়া থম্বিখি।
ময়াম্না হায়, কমরেড ধীরেন মপোক অসি তাংলবা মপোক অমনি, মহাকগুম্বা লুচিংবা খুন্নাই অসিদা লৈতে অদুনা মহাক লৈতবগী অহোবা অশি মেনবা ঙম্লোই হায়না ময়াম্না শিন্থানখি। মহক্না খুন্নাই চাওখৎ খোংদাংদা অচৌবা থৌদাং কয় লৌবিখিবা অসি তুংগী শুরোলনা খংহৌনবা মহাক্কী বায়োগ্রাফী লাইরিক অমা ফোংবা অমসুং মহাক্কী মীতম অমা খিন্নবাশু ময়াম্না হায়খি। খুন্নাইগী চাওখৎপগীদমক মহাক্না মংলম্বা মং অমসুং লোয়হৌদ্রবা থবক থৌরম কয়া লৈহৌরিবা ঐখোয় পাঙথোক্পা ঙম্লিদি অসিনা মহাক্কী লৈখিদ্রবা থয়াইগী পোন্থা ওইগনি হায়নসু হায়বিখি।
থৌরম অসিদা মণিপুরী যুব সমিতিগী থৌবুরেল ময়াম থোঙাম প্রদীপ সিংহ, মুতুম সুরজিৎ সিংহ, কাংজিয়া মঙাল সিংহ, চন্দ্রশেখর সিংহ বদর, বিদ্যমনি সিংহ, থোঙাম পরিমল সিংহ, মাইবম জয়মোহন সিংহ, এস. সুরজিৎ সিংহ, ফ. নরেন সিংহ, স্মরণ সিংহ, ফ. ধীমান সিংহ, শিল্পী দেবী, তম্বিসানা দেবী, এস. জলি দেবী, মিত্রামনি দেবী য়াওনা অতৈ অতৈ ময়াম থৌরম অসিদা শরুক য়াখি। 
পনবা য়াবদি চৎখিবা চহিগী ডিসেম্বর তাং ৬, লৈবাকপোকপা নুমীৎ, নুমিদাং পুং ৮:৩০ দা ক্যান্সার অনাবনা মরম ওইদুনা সিলেট সিটিগী উইমেন্স মেডিকেল কলেজ হসপিটালদা লায়কন্নদুনা লৈখিদ্রে, মহাক্না লৈখিদবদা মশাগী চহী ৭৪ শুখি। মহাক সিলেট সিটিগী রাজবাড়ী অদুগা মৈতৈশিংনা কোনুং লৈকায় হায়দুনা কৌবা মফমদুদা পোকপনি। মহাক্কী লোয়নবী অমসুং মচা নুপা অমা, মচা নু‌পি অমা থম্ল‌ম্মি।