পোৎশংবম সোনামণি লৈখিদ্রে
ইম্ফাল, জুলাই ১৯ : নাগালেন্দ পুলিস সার্বিসতা সেনিয়র এসপি ওইরম্বদগী থবক্তগী পোত্থারবা সোসিও-পোলিতিকেল কমেন্তেতর পোৎশংবম সোনামণি মশাগী অনাবা অমদগী শীজ হোস্পিতাল, লাঙ্গোলদা ঙসি নুংথিল লৈখিদ্রে।
লৈখিদ্রবা সোনামণি ইম্ফাল ওয়েস্ট দিস্তিক্তকী থাংমৈবন্দ হিজম দেৱান লৈকায়দগীনি। মহাক্না মশাগী চহী ৮৪ শুখ্রে। মহাক্কী লোয়নবী পোৎশংবম ওংবী রিনা, মচানুপা অমা অমসুং মচানুপী অনী লৈহৌরি।
মহাক মশাগী অনাবা অমদগী শীজ হোস্পিতালদা লায়েংলকখিবনি। মহাক্না হিংলিঙৈ মতমদা নাগালেন্দ পুলিস সার্বিসতা সেনিয়ার এসপি ফাওবগী রেঙ্ক য়ৌনা থবক পুরমখি। সেনিয়ার এস পিদা রিতয়ার্দ চৎলবা মতুং সোসিও-পোলিতিকেল কমেন্তেতর অমা ওইনা দিস্কসন কয়াদা পেনেলিস্ত ওইদুনা লৈবাক অসিগী ওইবা মতম মতমগী ইসুশিংদা মীয়ামদা মীৎ-নাকোং ওইবা য়াবা ৱাখল্লোনশিং থম্লমখি।
ঙসি নুমিদাং লৈখিদ্রবগী য়ূমদা ইমুং-মনুং অমদি মহাক্কা নক্নরম্বা মীশিংনা মহাক্কী মফমদা ইকায়খুম্নবা ঊৎলবা মতুঙদা মহাক্কী অরোইবা মথৌ মঙম পাঙথোকখি।
সোর্স: পোক্নফম
0 কমেন্ট:
কমেন্ট তৌবিয়ু