• 10
• ১১ই ফেব্ররুয়ারি ২০২৫ ইং
• Share on:

পেত্রিওতিক রাইতর্স ফোরামগী মপোক কুমওন, চহীগী মীফম পাঙথোকখ্রে 

ইম্ফাল, ফেব্রুয়ারি ১০

পেত্রিওতিক রাইতর্স ফোরামগী ১৭ শুবা ফাউন্দেসন দেগা লোয়ননা চহীগী ওইনা জেনরেল বোদি মীফম ঙসি মণিপুর প্রেস ক্লাবতা পাঙথোকখ্রে। ফোরাম অসিগী লৈখিদ্রবা মেম্বর ওইরম্বা অইবশিংগী মফমদা হৈকৎ-লৈকৎ তমদুনা থৌরম অদুবু হৌদোকখিবগা লোয়ননা পি এ দব্লিউ এফকী সেক্রেতরি রাকেশ নাওরেমনা চহীগী ওইবা রিপোর্ত পাঙথোকখি অমদি তোঙান তোঙানবা মনা পংলবা ফোরাম অসিগী মেম্বারশিংবু পূক্নিং থৌগৎখি।

থৌরম অদুদা পি এ দব্লিউ এফকী সেক্রেতরি রাকেশ নাওরেমনা হায়, লৈবাক নিংবা অইবশিংগী ওইবা ফোরাম অসিনা মমাঙ চহী ২০২৪ দা আসামগী হোজাইদা নুপী লানগী মীতম অমা স্পোন্সর তৌদুনা মায়খুম হাংদোকখিবগা লোয়ননা লময়ানবা ইরাবতকী মীতম অমসু মায়খুম হাংদোকখি।

মহাক্না হায়খি, ঙসি ফমখিবা ফোরাম অসিগী মীফম্না চৎলিবা চহী অসিদা ত্রিপুরাদা মৈতৈশিংনা ইহান হান্না খুন্দাখিবা মফম হৌজিক্না চা বাগান ওইনা লৈরিবা মেখলিপারাদা চত্তুনা মফম অসি মৈতৈশিংনা খুন্দারম্মী হায়বসি খঙননবা অমদি মশক তাক্ননবা মেমোরিয়েল স্তোন অমা খিন্নবা ৱারেপ লৌরে। ইং ১৮৯১ গী লানদা ঐখোয়গী ইপা-ইপুশিং লোই থাখি হায়রিবা অন্দমান এন্দ নিকোবরদা চত্তুনা ইপা-ইপুশিংগী খোঙ্গুল লীবগা লোয়ননা মখোয়গী মফমদা ইকায়খুম্নবা উৎপগী থৌরম পাঙথোক্নবসু ৱারেপ লৌরে।

ফোরম অসিনা মখা তানা চোইজাইননা লৈরিবা মৈতৈ ইচিল ইনাওশিংগী থিজিন খোঙচৎশিং চৎননবা পান্দম থম্লি। মসিদা ময়িাম্না মপূং ফানা মতেঙ পাংবীয়ু হায়না মহাক্না আপিল তৌখি। থৌরম অদুদা পি এ দব্লিউ এফকী প্রেসিদেন্ত নাওরোইবম খম্বা লুৱাং, পি এ দব্লিউ এফকী ফোর্মর প্রেসিদেন্ত য়াইস্কুল খ্বাইরাকপম, ফোরমগী পেত্রোন মেম্বর দাঃ লাইশ্রম লন্ধোনী অমদি পেত্রোন মেম্বর ৱাহেংবম হেমাবতিনা প্রিসিদিয়ম মেম্বরশিং ওইনা শরুক য়াখি।

সোর্স: পোক্নফম