নোবেল প্রাইজ ইন কেমিষ্ট্রিগী মনা পীখ্রে
সুইডেন, অক্টোবর ০৬ : জার্মান সাইন্টিষ্ট বেঞ্জামিন লিষ্ট অমসুং স্কোটলেন্দগী সাইন্টিষ্ট ডেভিদ ম্যাকমিলানদা হন্দক চহীগী ওইনা লেমজনিঙাই ওইরবা নোবেল প্রাইজ ইন্ কেমিষ্ট্রিগী মনা পীখ্রে হায়না রয়েল সুইডিশ একাডেমি অব সাইন্সনা ফোঙদোরক্লি। একাডেমি অসিনা ফোঙদোরকখিবদা, সাইন্টিষ্ট অনী অসিনা মোলিক্যুল বিল্ডিংগী মতাংদা থিজিন্দুনা পুথোকখিবা অনৌবা খুৎলায় অদুগীদমক লেমজনিঙাই ওইরবা মনা অসি পীখিবনি।
মখোয় অনীনা ডিভেলপ তৌখিবা এসিমেত্রিক অর্গানোকেটালাইসিস অসি কেমিকেল রিএক্সনগী মতাংদা শীজিন্নবা য়াই। হায়রিবা রিএক্সন মখল অসি শীজিন্নরগা রিসার্সারশিংনা সোলার সেলদা য়াওবা লাইটশিং কেপচার তৌবা ঙম্বা মোলিক্যুলশিং শাবা ঙম্লগনি। সাইন্টিষ্ট অনী অসিনা ডিভেলপ তৌখ্রবা কেটলিষ্ট অসি এনভাইরোনমেন্ট ফ্রেন্ডলি ওইবা অমদি শেম শাবদা কা হেন্না চাদিং তৌহন্দবা মখলগী ওইরি। মখোয় অনীনা শেলগী মনা ওইনা ডোলার মিলিয়ন ১.১৪ তঙ্খায় য়েন্নদুনা ফংলগনি। মমাং মতমদা কেমিষ্ট্রিদা নোবেল প্রাইজ ফংখ্রবশিংগী মনুঙদা মেরি ক্যুরি অমদি ফ্রেড্রিক সাঙ্গর মমিং পনবা য়াই।
0 কমেন্ট:
কমেন্ট তৌবিয়ু