• 659
• ১৪ই অগাস্ট ২০২৪ ইং
• Share on:

ত্রিপুরাদসু অথৌবশিংগী নুমিৎ পাঙথোকখ্রে

ইম্ফাল, আগস্ত ১৩ : আগরতলাগী তরৌ মৈতৈ লৈকায়দা মণিপুরী লিতরেরি এন্দ করচরেল ফোরম, ত্রিপুরানা তখেল লৈমা তেঙবাং লুপ অনীনা শীন্দুনা ঙসি অথৌবশিংগী নুমিৎ পালন থৌরম পাঙথোকখ্রে।

তখেল লৈমাগী প্রেসিদেন্ত নিংঙোম্বম রাধিকানা মৈরা চুখৎতুনা হৌদোকখিবা থৌরম অদুদা সাহিত্য একাদেমী, নিউ দিল্লীগী মেম্বর খোইস্নাম বিরোলা, কবি এল মিনা দেবী, ফোরামগী সেক্রেতরি খোইস্নাম মঙ্গোলনা অখন্নবা মীথুংশিং ওইনা শরুক য়াখি।

থৌরম অদুদা অথৌবাশিংগী ফোতোদা মীয়াম্না হৈকৎ-লৈকৎ তম্লবা মতুং মিনীৎ ২ তুমীন্না লেপ্তুনা ইকায়খুম্নবা ঊৎখি। ত্রিপুরাদা মৈতৈনা মপূং ওইনা খুন্দাবা খ্বাই গৌরনগরদসু মৈতৈ খুন্নাইনা শীন্দুনা অথৌবশিংগী নুমিৎ পাঙথোকখি। থৌরম অদুদা এম এল সি এফ, ত্রিপুরাগী প্রেসিদেন্ত নিংঙোম্বম বীর সিংহ, মৈরা পায়বী এন বিনাতা, এক্তিভিস্ত এম প্রমুদনা অথৌবশিংগী মরমদা ৱা ঙাঙখি।

খ্বাই দুর্গানগরদসু লৈকোল ওর্গানাইজেসন্নসু অথৌবাশিংগী নুমিৎ পাঙথোকখি।

তখেল য়াওল লূপ্না শীন্দুনা বিশাগর সাব দিবিজনগী বাইদ্যারদিগীদা ১৩৩ শুবা অথৌবশিংগী নুমিৎ পাঙথোক্তুনা হৈকৎ-লৈকৎ তমখি। অৱাং ত্রিপুরাগী জলাবাসা মৈতৈ খুল অমসুং অভয়নগর নচিংবা মফমশিংদসু হন্দক মণিপুর নীংতম লান্দা মমা লৈবাক্কীদমক থৱায় কত্থোকখ্রবা অচৌবশিংগী নীংশিং নুমিৎ পাঙথোকখি।

সোর্স: পোক্নফম