ডাঃ থোকচম ইবোহনবীনা ক্রিটিসিজম ৱার্কতা সাহিত্য একাডেমি এৱার্দ ফংবা অহানবা মণিপুরী রাইটার ওইরে – -ওইনাম মিসন
মহাক্না হায়, ইং ১৯৭২ দা মণিপুরী লোনবু সাহিত্য একাডেমি, নিউ দিল্লীনা শকখঙখি। মসিগী মতুং ইং ১৯৭৩ দা অহানবা ওইনা লমদম অসিগী অইবা পাচা মীতৈনা সাহিত্য একাদেমি এৱার্দ ফঙখি। অহানবা সাহিত্য একাদেমি এৱার্দ অসি পাচা মীতৈগী ‘ইম্ফাল অমসুং মাগী ঈশিং-নুংশিৎকী ফীবম’ হায়না মিংথোনবা নোবেল লাইরিক অসিদা পীরকপনি। ইং ১৯৭৩ দগী ২০২০ ফাওবগী শাংলবা চহী ৪৭ রোম অসি মণিপুরী লোনগী রাইরিক্তা পীরক্লিবা সাহিত্য একাডেমি এৱার্দ অসি ক্রিয়েটিব রাইটিংদা য়ূম্ফম ওইবা ঙাক্তনি।
ডাঃ থোকচম ইবোহনবী
১৯৭২ দা মণিপুরী লোনবু সাহিত্য একাদেমি, নিউ দিল্লীনা শকখঙখ্রবা মতুং ঙসি ফাওবগী মণিপুরী সাহিত্যগী খোঙচৎতা ডাঃ থোকচোম ইবোহনবীনা ক্রিটিসিজম ৱার্কতা সাহিত্য একাদেমি এৱার্দ ফংবা অহানবা মণিপুরী রাইটার ওইরে। অইবা অসিনা মণিপুরী লোনদা ইবা লাইরিক ‘মণিপুরীদা পুন্সি ৱারীগী সাহিত্য’ হায়না মিংথোনবা মণিপুরদা ফোঙলিবা বাইওগ্রাফিকেল লিটরেচারবু নৈনবা লাইরিক অসি সাহিত্য একাদেমি এৱার্দ-২০২১ লাউথোরকপদা য়াওরে। মণিপুরী সাহিত্যগী পুক্কৈদা ক্রিটিসিজম ৱার্কতা সাহিত্য একাডেমি ফংলবা মমল য়াম্লবা লাইরিক অমা অইবা অসিনা খুদোল তম্বা ঙম্লে।
ডাঃ থোকচোম ইবোহনবী ইং ১৯৫১ গী এপ্রিল ৫দা শীংজমৈ চোংথাম লৈকায়াদ পোকই। লৈখিদ্রবা থোকচোম লুখোই অমসুং লৈখিদ্রবী আর কে লেম্বীসনা অনীগী মচানুপানি। মহাক দিএম কলেজ অব আর্টসকী মণিপুরী দিপার্টমেন্টকী এসোসিয়েট প্রোফেসার অমসুং দিপার্তমেন্তকী হেদ ওইনা থবক্তগী পোত্থাখি। অইবা অসি তোঙান-তোঙানবা সাহিত্যগী লূপ কয়াগী মরু ওইবা থৌ পুরম্মী। মণিপুরী সাহিত্য পরিষদ, ইম্ফাল অমসুং নহারোল সাহিত্য প্রেমী সমিতিগী জেনারেল সেক্রেটারি ওইরম্মী। সাহিত্য একদেমিগী এডভাইজরি বোর্ড (মণিপুরী), মণিপুর স্তেত কলা একাদেমিগী স্তেন্দিং কমিতি (লিতরেচর) অমসুং বোসেমগী কারিকুলাম সাব-কমিতি (মণিপুরী) অসিনচিংবগী মেম্বারসু ওইরম্মী। মহাক কোসেম (কাউন্সিল ওব হায়ার সেকেন্ডারি এদজুকেসন মণিপুর) না ফোঙবা ‘মণিপুরী সাহিত্যগী ইতিহাস’ (২০১৫) অমসুং মতমগী ‘মণিপুরী গ্রামার অমসুং কম্পোজিসন’ (২০১২) গী কো-রাইটারসুনি।
অইবা অসিগী ফোঙখ্রবা লাইরিক খরগী মমিং পল্লবদা, অঙনবা মতমগী মণিপুরী সাহিত্যদা ইমাজিনরি (১৯৯৭), বঙ্গবন্ধুগী লৈবাক্তা (২০০২), শগোল গাড়ী থৌবা গুলামদিন অমসুং অতৈ ৱারী খরা (২০১৩), মেকারস ওব ইন্দিয়ান লিটরেচারঃ মাদাহব রাম ৱাহেংবা (২০১৬) অমসুং মণিপুরী সাহিত্যদা পুন্সি ৱারীগী সাহিত্য (২০১৭) অসিনচিংবা পনবা য়াই। অইবা অসি তোঙান-তোঙানবা মনাশিং সু ফংখ্রে। খরদং পল্রবদা মহাক্কী লমকোইৱারী ‘বঙ্গবন্ধুগী লৈবাক্তা’ হায়রিবা লাইরিক অসিগীদমক ইং ২০০৭ দা মণিপুর স্তেত কলা একাদেমি এৱার্দ (লিতরেচার) ফংখ্রে। লাইরিক অসিমক্তদা ডাঃ সেরাম মুক্ত সাহিত্য মনাসু ইং ২০০৫ দা ফংখি। মহাক্কী লাইরিক ‘মণিপুরীদা পুন্সি ৱারীগী সাহিত্য’গীদমক নহারোল সাহিত্য প্রেমী সমিতি, ইম্ফালনা জননেতা হিজম ইরাবত মনা-২০১৯ পীদুনা ইকায় খুম্নখি।
ডাঃ থোকচোম ইবোহনবীনা পোক্নফমদা হায়, মণিপুরী সাহিত্য নৈনবা লাইরিক অসি য়াম্না তাংই। শৈরেং, ৱারীমচা, উপান্যাস, লমকোইৱারীনচিংবা ক্রিয়েটিব লিটরেচারগী মায়কৈদদি চাওখৎলে হায়বা য়াই। তৌবতবু নৈনবা (ক্রিটিসিজম) গী লমদদি য়াম্না শোত্থারি। শৈরেং, ৱারীমচা, উপন্যাস, দ্রামানচিংবা নৈনবা লাইরিক খরা থোকখ্রবসু মণিপুরী সাহিত্যদা নৌনা চাওখৎলক্লিবা পুন্সি ৱারীগী সাহিত্য নৈনবগী লাইরিক ঙসিফাওবা থোকপা উদ্রি। মণিপুরী সাহিত্যগী পুক্কৈদা লৈরিবা অৱাৎপা অসি উবদগী ঐহাক্না ‘মণিপুরীদা পুন্সি ৱারীগী সাহিত্য’ হায়রিবা লাইরিক অসি ইখিবনি।
মহাক্না হায়, ইং ১৯৭২ দা মণিপুরী লোনবু সাহিত্য একাডেমি, নিউ দিল্লী
না শকখঙখি। মসিগী মতুং ইং ১৯৭৩ দা অহানবা ওইনা লমদম অসিগী অইবা পাচা মীতৈনা সাহিত্য একাদেমি এৱার্দ ফঙখি। অহানবা সাহিত্য একাদেমি এৱার্দ অসি পাচা মীতৈগী ‘ইম্ফাল অমসুং মাগী ঈশিং-নুংশিৎকী ফীবম’ হায়না মিংথোনবা নোবেল লাইরিক অসিদা পীরকপনি। ইং ১৯৭৩ দগী ২০২০ ফাওবগী শাংলবা চহী ৪৭ রোম অসি মণিপুরী লোনগী রাইরিক্তা পীরক্লিবা সাহিত্য একাডেমি এৱার্দ অসি ক্রিয়েটিব রাইটিংদা য়ূম্ফম ওইবা ঙাক্তনি। হৌজিক্কী মণিপুরী সাহিত্যগী খোঙজেল অসি য়েংবা মতমদা অনৌবা অইবা কয়া থোরকপা উরি। মরু ওইনা শৈরেং অমুসং ৱারীমচা ইবা অসি মশীং য়াম্না থোরকপগী মমি তাই। অদুমকপু অফবা শৈরেং অমসুং অফবা ৱারীমচাদি অদুমক তাংলি, ইয়াও য়াওদে।
হৌজিক লৈরিবা লমদম অসিগী অইবশিংগী মরক্তা থোইদোক হেন্দোক্না শিংথাবা য়াবসি ৱারীমচা ইবদা য়ুম্লেম্বম ইবোমচা, কৈশাম প্রিয়োকুমার অমসুং লমাবম বিরামনি পনবা য়াই। মখোয় অহুম অসি মশাগী ওইবা স্টাইলদা ইরকপা লমদম অসিগী অফবা ৱারীমচা ইবা রাইটারশিংনি। লমকোইৱারী ইবদনা কুঞ্জমোহন অমসুং থোকচোম মণিহার পনবা য়াই। মখোয়গুম্না অনৌবা থোরক্লিবা রাইটারশিংনা ইবা ঙমদ্রি। মণিপুরী সাহিত্যদা নহা অইবা কয়া থোরক্লি। নহা রাইটারশিং অসিবু পূক্নিং থৌগৎতুনা হেন্না ফবা লাইরিকশিং পুথোক্লবা হোৎনবা মথৌ তাই। অফবা অইবা অমা ওইগে হায়রবসি উইল য়াওবা চঙই। নহা অইবা থোরক্লিবশিংনা অফবা লাইরিক পুথোকপা ঙম্লবা মপালগী অফাওবা রাইটারশিংগী লাইরিক য়াম্না পাবা চঙই হায়নসু ডাঃ থোকেচোম ইবোহনবীনা ফোঙদোরক্লি।
0 কমেন্ট:
কমেন্ট তৌবিয়ু