• 138
• ৬ই জানুয়ারী ২০২৬ ইং
• Share on:

খাইদেম প্রমোদিনীগী মপোক কুমওন থৌরম পাঙথোকখ্রে 

ইম্ফাল, জনুরারী ৩ঃ লময়ানবী অইবী খাইদেম প্রমোদিনীগী ১০২ শুবা মপোক কুমওন থৌরমগা লোয়ননা শৈরেং শৈদিন্নবগী থৌরম অমা লৈকোল (লৈমকোল খোর্জৈকোল) না শীন্দুনা ৱাংখৈ য়োংলান লৈরক্তা লৈবা মাইচৌ তরেৎকী ওদিতোরিয়মদা ঙসি পাওথোকখ্রে।
লৈকোলগী প্রসিদেন্ত সিঐচ সুবদনীনা প্রিসাইদ তৌখিবা থৌরম অদুদা অইবী খাইদেম প্রমোদিনীগী মরমদা হুইয়েন লানপাউগী সেনিয়ার রিপোর্তর, নোমিতা খোংবান্তাবমনা ৱা ঙাঙখি।

থৌরম অদুগী অনীশুবা সেসন্দা মহিলা কাব্য মঞ্চকী প্রসিদেন্ত অমদি লৈকোলগী ফোর্মর প্রসিদেন্ত, কেঐচ সুবদনিনা মোদরেতর ওইদুনা অইবীশিংনা শৈরেং পাথোকখি।

থৌরম অদুদা প্রসিদেন্তকী ৱারোল পীরদুনা সুবদনীনা হায়, অইবী খাইদেম প্রমোদিনিগী মপালনা ঙসি সাহিত্যগী ফম্পাক্তা নুপী ওইবীশিংনা মফম অমা কনবা ঙম্লিবনি। সাহিত্য, পোলিতিক্স অমদি খুন্নাইগী ওইবা হীরম কয়াদা থৱায় হকচাং য়াওনা কথোক্লম্বা অইবী অসি নুপী অইবীশিংদগী ওইবা খোর্জৈ লুপ লৈকোলগীসু ফাউন্দর মেম্বরনি।

নুপী খুন্নাই অমদি তোল্ল-তারবশিংগীদমক্তা কথোক্লম্বা চীং-তম অনীমক অমত্তা ওইনা য়েংখিবা অইবী অসিগী ৱাখল্লোন তমজনিঙাইনি। কত্থোকপতনা মশারুক ওইখিবী অইবী অসিগী অঙন্বা পুন্সিদা ৱানা হৌরক্লবসু মহাক্কী হোৎনজমন্না নুপীশিংগীলক্তগী মশক নায়বা মীশক অমা ওইবা ঙমখি। মহাক্কী লীক্লম ঙাক্তুনা নুপী অইবী কয়া থোকতুনা মণিপুরী সাহিত্যবু হেন্না মশক থোকপা ঙম্নবা হোৎনমিন্নসি হায়খি।

সোর্স : পোক্লফম