পেত্রিওতিক রাইতর্স ফোরম মণিপুর (পৱাফ) না এৱার্দকীদমক শৈরেং লাইরিক অমসুং লৈবাক নিংবা ৱারীমচাশিং কৌরি
ইম্ফাল, জানুয়ারি ১১ : পেত্রিওতিক রাইতর্স ফোরম মণিপুর (পৱাফ) না চহী খুদীংগী মণিপুরী লোলগী শৈরেং ইবা মশাগী চহী ৩৫ গী মখাদা লৈবা নহা অইবা অইবীশিংদা পীদুনা লাক্লিবা অরাম্বম ইবংঙোহল এন্দ বিনোদকুমারী লিতরেরি এৱার্দ ২০২৩ পীনবগীদমক মণিপুরী লোলগী নহা অইবা অইবীশিংনা ইবা শৈরেং লাইরিকশিং কৌরি।
ইং ২০২১ গী ফেব্রুয়ারি থাদগী ইং ২০২৩ গী জানুয়ারি থা ফাওবগী মনুংদা ফোঙখিবা শৈরেংগী লাইরিকশিং থেংলবদা জানুয়ারি ৩১ ফাওবগী মনুংদা কৈশামথোক হোদাম লৈরক মচিন তিদিম রোদ ইম্ফালদা লৈবা ফোরামগী ওফিস নত্ত্রগা ইপাক ওফসেত প্রেসতা পীশিনবা য়াগনি। লাইরিক পীশিনবা মতমদা অইবা অইবীশিংগী মপূং ফাবা বাইওদাতা, ফোন নম্বর, পাসপোর্ত ফোতো অমসুং লাইরিক কোপি ৩ লোয়নরক্কদবনি হায়রি।
এৱার্দ অসিগী চহী অসিগী ফেব্রুয়ারি ২৫দা পাঙথোক্কদবা অরাম্বম ইবংঙোহল এন্দ বিনোদকুমারী অনীগী লৈখিদবগী নীংশিং থৌরমগা মরী লৈননা লান্থোক্কনি। এৱার্দ অসি অরাম্বম মেমে অমসুং দাঃ নমরাম শরত অনীনা ফোরামদা দোনর ওইরকপনি। এৱার্দ অসিদা শেল ওইনা লুপা ৫০০০, সাইতেসন অমা, শাল অমা অমসুং মেমেন্তো অমা য়াওরি।
পেত্রিওতিক রাইতর্স ফোরম মণিপুরনা চহী খুদীংগী পীদুনা লাকপা পাচা মীতৈ লিতরেরি এৱার্দ, আর খথিং তাংখুল লিতরেরি এৱার্দ অমসুং দাঃ সরোজ নলিনী অরাম্বম পরাত লিতরেরি এৱার্দ পীনবগীদমক মণিপুরী লোলগী অইবা অইবীশিংনা ইবা লৈবাক নিংবা ৱারীমচাশিং কৌরি।
ৱাহৈ ১০০০ দগী হেন্দবা অমসুং লাইরিক ওইনা ফোঙদ্রিবা লৈবাক নিংবা ৱারীমচাশিং অদু নীংথিনা কম্প্যুতরদা নমথোক্লবা কোপি ৩-৩ গা লোয়ননা মশাগী মপূং ফারবা বাইদাতা, ফোন নম্বর অমসুং পাসপোর্ত ফোটো অমমমগা লোয়ননা ফোরামগী ওফিসতা থেংলবদা জানুয়ারি ৩১ ফাওগী মনুঙদা থাজিনগদবনি। এৱার্দশিং অসি লাক্লিবা ফেব্রুয়ারি ২১ দা ফোরাম্না শীন্দুনা পাঙথোক্কদবা ইন্টারনেসনেল মাদার লেংঙ্গেজ দেগী থৌরমদা খূৎশিন্নগনি। এৱার্দশিং অসিদা শেল ওইনা লুপা ৩০০০/- সাইতেস অমা, শাল অমা অমসুং মেমোন্তা অমা য়াওরি।
মথক্তা পল্লিবা এৱার্দশিং অসিগীদমক হেন্না অকূপ্পা মরোলগীদমক ফোরামগী ওফিসিয়েল কন্তেক্ত নম্বরশিং 9862100658 অমসুং 8730005926 তগী খঙলবা য়াগনি হায়রি।
সোর্স: পোক্নফম
0 কমেন্ট:
কমেন্ট তৌবিয়ু