• 15
• ১০ই মে ২০২৫ ইং
• Share on:

অয়েকপম ফাউন্ডেশনগী টেলেন্টেড স্কোলারশীপ ২০২৪গী মনা য়েন্থোকখ্রে।

সিলেট, ১২ মে ২০২৫ : বাংলাদেশকী মৌলভীবাজার ডিস্ট্রিক্টকী কমলগঞ্জ উপজিলাগী আদমপুর ইউনিয়ন মনুং চনবা তেঁতইগাঁও দা লৈবা মণিপুরী কালচারাল কমপ্লেক্স তা অয়েকপম ফাউন্ডেশনগী টেলেন্টেড স্কোলারশিপ ২০২৪ গী মনা য়েন্থোকখ্রে। গ্রুপ অহুম থোক্না মাইপাক্লবা মহৈরোই ৪৫দা মনা ওইনা ক্যাশ, ক্রেস্ট অমসুং সার্টিফিকেট পিখি।

থৌরমগি অহৌবদা ফাউন্ডেশন গি চীফ এডভাইজার ওইবিরম্বা নোঙ্গাখ্রবা অয়েকপম রাজকিশোর অমসুং মাহাক্কি লোইনবী নোঙ্গাখ্রবী অয়েকপম লৈখনা দেবীগি লৈখিদ্রবা থৱাইগী শান্তিগিদমক্তা মিনিট অমা তুমিন্না লৈদুনা নুঙাইতবা ফোংদোক্তুনা ইকায়খুম্নবা উৎখি।
মনা য়েনবা অমসুং নৈন মীফমদা অইবা অয়েকপম অঞ্জুগী কন্ডাক্ট মখাদা অয়েকপম ফাউন্ডেশন গি এডভাইজার এল জয়ন্ত কুমার সিংহ না প্রিসাইড তৌখিবা থৌরম অদুদা অথোইবা মীথুংলেন ওইনা মৌলভীবাজার ডিস্ট্রিক্টকী কমলগঞ্জ উপজেলাগী এসিস্ট্যান্ট কমিশনার (ল্যান্ড) ইকাইখুম্ননিঙাই ওইরিবা টি এন আয়াদিক আর শাফিন অমসুং অখন্নবা মীথুংলেন ওইনা তেতইগাঁও গভর্নমেন্ট প্রাইমারি স্কুলগী হেড টিচার নূর উদ্দীন, মণিপুরী ভাষা গবেষণা ও উন্নয়ন সংস্থাগী সাধারণ সম্পাদক এল ইবুংহাল সিংহ শ্যামল, অয়েকপম ফাউন্ডেশন টেলেন্টেড স্কোলারশিপ স্টিয়ারিং কমিটিগী কনভেনর মুজিবুর রহমান রঞ্জুনা শরুক য়াদুনা নুংগী ৱারোল থম্লদুনা মনা য়েন্থোকখি।   
গেস্ট ময়াম্না অয়েকপম ফাউন্ডেশন না লৌখৎলিবা থৌদাংপুম্বা মাই পাকপগা লোইননা তুং কোইবা ওইশনু হায়না ফোংদোকপিখি।
অয়েকপম ফাউন্ডেশন টেলেন্ডেট স্কোলারশিপ ২০২৪ গা মরী লৈননা 'মিৎয়েং' হায়বা চেফোঙ অমসু ফোংখি।