অহানবা নর্থ ইষ্ট ইন্ডিজিনাস গেমস্তা ত্রিপুরাগী চৈবীনা মেডেল অনী ফংলে
অহানবা ওইনা হৌদোকপা মুক্লা, কাং, চৈবী নচিংবা অরিবা য়েলহৌ মশান্না শিংগী অৱাং নোংপোক্কী ওইবা হান্ডাজন্স গেমস (য়েলহো মশান্না) দা শরুক য়াদুনা ত্রিপুরাগী তোঙান তোঙানবা য়েলহৌ মশানা অনীনা শিলভর মেডেল অনী মায় পাক্কা লৌরকপা ঙমখে। হায়রিবা নর্থ ইষ্ট গেমস্ অসি ওল মণিপুর ইউনাইটেদ ক্লাক্স ওর্গানাইজেশন (আমুকো) অমসুং মাণপুরা ষ্টুডেন্টস ফেডারেশন (এমএসএফ) অনীনা খুৎশম্নদুনা নুমিৎ হুন্নি চুপ্পা ইম্ফালগী
কাংজৈবুংদা পাঙথোকখিবনি। অহানবা ওইনা হৌদোকপা লমদমসিগী অরিবা য়েলহৌ মশান্না শিংবু হিংগৎহন্দুনা য়োকখৎনা থম্বা অমদি ময়ামবু মশক খঙহন্নবগী পান্দমদা অসিগুম্বা লমদম
অসিদা পাঙথোকপা অহানবা ওইবা ইন্ডিজিনাস গেমস্ অসিদা ত্রিপুরাদগী নোংমাইথেম প্রসেনজিৎ (পীকক্র) গী লমজিং মখাদা চৈবী এসোসিয়েশন অব ত্রিপুরাগী চৈবী টিম অমা শরুক য়াদুনা মেডেল অনী লৌরকখি। মেডেল
ফংলকখিবা শান্নরোই অনী অদুদি চৈবী সিনিয়র ক্যাটাগোরিদা আনসোর ত্রিপুরা অমসুং জুনিয়র ক্যাটাগোরিদা শরুক য়াখিবা হানিতোস মুন্ডা নি হায়না চৈবী এসোসিয়েশন ত্রিপুরাগী থৌবুরেন প্রসেনজিৎ সিংহনা হায়রি।
0 কমেন্ট:
কমেন্ট তৌবিয়ু