অশেংবা ইরল ফিল্মগী প্রদ্যুসর অমদি দিরেক্টর হরাও তয়াম্না ওকখ্রে
ইম্ফাল, এপ্রিল ০৯ : দোসুয়ালি ফিল্ম প্রদাক্সনগী বেন্নার মখাদা ক্ষেত্রিময়ুম সুবদনিনা পুথোকপা অশেংবা ইরল ফিল্মগী টিম ওকপগী থৌরম অমা পাঙথোকখ্রে। থৌবাল দিষ্ট্রিক্টকী ৱাংবলদা লৈবা ইন্ট্রিগেটেদ রুরেল দিভেলপমেন্ট এন্দ এদ্যুকেশনেল ওর্গানাইজেশন (আই আর দি ই ও) না শীন্দুনা ওর্গাইনাইজেসন অসিগী মখাদা চলাইদুনা লৈবা সিনিয়র সিটিজেন হোম অনীনা খুৎশম্নদুনা ওর্গানাইজেসন অসিগী কালচারেল হোলদা পাঙথোকখিবা হরাও তয়াম্না ওকপগী থৌরম অদুদা অশেংবা ইরল ফিল্মগী কন্সল্টেন্ট ক্ষেত্রিময়ুম দোরেন্দ্রো, সিনিয়র সিটিজন হোমগী সুপরিন্টেন্দেন্ট কে ঐচ তোম্বা অমদি আই আর দি ঈ ওগী কোওর্দিনেটর এস বুধ মৈতৈনা প্রেসিদিয়াম মেম্বারশিং ওইনা শরুক য়াখি।
ও সী মৈরানা দিরেক্সন পীবা ফিল্ম অসি ক্ষেত্রিময়ুম সুবদনিনা ষ্টোরি, প্রদ্যুসর অমদি লিরিসিস ওইরগা মনাওবী এম এমনা স্ক্রিনপ্লেন তৌবনি। পনবা য়াবদি, ফিল্ম অসি হন্দক্তা কোলকাতাগী সঙ্গীত কলা মন্দিরদা নুমীৎ নীনি চুপ্না পাঙথোকখিবা অনীশুবা ইন্টারনেসনেল ফিল্ম ফেষ্টিভেলদা ফিল্ম অসিগী দিরেক্টর ও সী মৈরাবু স্পেসল জুরি মেন্সন এৱার্দ পীদুনা ঈকায় খুম্নবা উৎলকখিবনি। ফিল্ম অসি ১১ শুবা মনিফা ফেষ্টিভেল ২০২৩দসু এৱার্দ ১০ নোমিনি চঙদুনা লৈরিবনি। ফিল্ম অসিদা মরুওইনা অহল-লমনশিংবু মচাশিংনা লূনা চান্না তৌবীবা, মচা পোকচবগী মহৈ ফংহনবীবা, মচাশিংবু হেক পোকপীবদগী পীক্লিঙৈদগী হৌনা কদায়দা করিদা শোয়খিগদগে ৱাজরকপগী মতাংদা উৎপা ফিল্মনি।
সোর্স: হুইয়েন লানপাউ
0 কমেন্ট:
কমেন্ট তৌবিয়ু