অমি শাহনা ফ্রীদম ফাইতর হেমাম নিলমণি নীংশিংখ্রে
নিউ দিল্লী, জুলাই ১৫ (ই এন এস)
য়ুনিয়ন হোম মিনিস্তর অমিত শাহনা মণিপুরগী ফ্রীদম ফাইতর হেমাম নিলমণিবু নীংশিংবগা লোয়ননা লৈখিদ্রবা ফ্রীদম ফাইতর অসিবু ভারত বিকাস পরিষদনা ইকায়খুম্নখ্রে।
নেতাজি সুভাসচন্দ্র বোসকী ইন্দিয়ান নেসনেল আর্মিগী মেম্বর অমা ওইরম্বা ফ্রীদম ফাইতর হেমাম নিলমণি সিংহবু ঙসি নিউ দিল্লীদা ভারত বিকসা পরিষদনা লৈখিদ্রবা মতুংদা ইকায়খুম্নবগী থৌরম অদুদা চীফ গেস্ত ওইনা শরুক য়ারদুনা য়ুনিয় হোম মিনিস্তর অমিস শাহনা হায়, ফ্রীদম ফাইতর হেমাম নিলমণি অসি ইং ১৯৪৫ ফাওবা ফাজিন্দুনা জেলদা থমখিবনি। মহাক ইং ১৯৪৬ তা জেলদগী থাদোরক্লবা মতুঙদা মোইরাংদা অমুক হল্লকখিবনি। মহাক সোসিয়েল ৱার্কতা মায় ওনশিল্লকখি।
অমিত শাহনা হায়, ‘ঐনা ইহান হান্না মণিপুরদা চৎপদা স্তেত অদুগী নহাশিংনা হিন্দী লোলদা য়াম্না ফজনা ৱারী শানবা থেংনখি। মতৌ করম্না মখোয়না হিন্দী লোলদা য়াম্না নিংথিজনা ৱারী শানবা ঙম্লিবনো হায়না হংবদা মখোয়না হেমাম নিলমণি সিংহবু নীংশিংবগা লোয়ননা মহাক্কী পুন্সি চূপ্পা লোল খুদীংমক চাওখৎহন্দুনা অমত্তা ওইবা পুরক্না হোৎনরমখি।’
ভারত বিকাস পরিষদ অসি স্বামী বিবেকানন্দনা লমজিং মৈরা ওইবা ভলুন্তরি ওর্গানাইজেসন অমনি। ওর্গানাইজেসন অসি অহানবদা সুরজ প্রকাসনা সিতিজেন কাউন্সিল হায়না লিংখৎতুনা ইং ১৯৬২ দা চত্থরকপা চাইনাগী এতেক অদুগী মায়োক্ননবা লৈবাক অসিগী মীয়ামগী ঈহৌ শাগৎপা অমা ওইরম্মী। হৌজিক থোক্লিবা মমিং ভারত বিকসা পরিষদ হায়বসি ইং ১৯৬৩ দা থোনখিবনি।
সোর্স: পোক্নফম
0 কমেন্ট:
কমেন্ট তৌবিয়ু