অভয়নগর পুথিবা লাই হরাওবা হৌখ্রে
আগরতলা, জানুয়ারি ১৩ : চহী খুদিং তৌনা হন্দকসু ত্রিপুরা সরকারগী ইনফোর্মেশন এন্ড কালচারেল এফেয়ার্স (আই.সি.এ) গী মতেং লৌরগা অভয়নগর পুথিবা লাই হরাওবা কমিটি অমুসং পুথিবা ওয়েলফেয়ার এন্ড কালচারেল সোসাইটি অনীনা শীন্দুনা নুমিৎ মঙানি চুপ্পা জানুয়ারি তাং ১৬ ফাওবা চত্থগদবা পুথিবা লাই হরাওবা থৌরম হৌদোকখ্রে।
জানুয়ারি ১২ অয়ুক পুং ১১ তাবা মতম লাইফমগী পুখ্রিদা পাঙথোকখিবা থৌরম অমদা অমাইবা-অমাইবীশিংনা ঈশিংদগী লাই ইকৌরগা পেনা খোঙবা, বেন্ড পার্টিনা থৌগল তৌদুনা ইমা ইবেল ভক্ত ময়াম য়াওনা থৌরম অদু পাঙথোকখি। পুখ্রীদগী লাই ইকৌদুনা লাইবুংদা পুশিল্লগা লাইগী থৱায় হাপ্লবা মতুং অঙম অথৌ অমাইবীশিংনা লাইতীন লাইশোল্লগা হৌনবী মতুং ইন্না অয়ুক্কী লাই থৌরম অদুদা অমাইবা অনী, মাইবী মঙা অমসুং পেনা খোঙবা অনী য়াওনা ব্যান্ড পার্টি অমসুং খুঞ্জাশিংসু য়াওখি।
নুমিৎ মঙানি চত্থগদবা পুথিবা লাই হরাওবগী কুহ্মৈ অমসুং কালচারেল থৌরম নুংথিলদা হৌদোকখি। লাই হরাওবা থৌরম অসিগা মরী লৈননা জানুয়ারী ১৫দা অভয়নগর অমসুং রাধনগর খুঙ্গংগী মেত্রিক/হায়ার সেকেন্ডারী পাশ তৌবা মহৈরোই তরা য়াওনা আই. আই. টি অমসুং এম.বি.বি.এসতা তম্লিবা মহৈরোই অনীবুসু ইকাখুম্নগনি হায়রি। লাই হরাওবা থৌরমগী মনুং চন্না মণিপুরগী মুখ্যমন্ত্রী এন বীরেন সিংহ য়াওনা মন্ত্রি খরসু শরুক য়াবগী ৱা লৈ।
অরোইবা নুমিৎ জানুয়ারি তাং ১৬ লোইশিনবগী থৌরমদা চিংমী য়াইফা মন্ত্রী রামপদ জামাতিয়ানা চীফ গেষ্ট ওইগনি। অদুগা থৌরমদা এম রেবতী ত্রিপুরা, এমএলএ সুদীপ রায় বর্মন, ভাইস চ্যান্সেলর ড. গঙ্গা প্রসাদ প্রসেইন, আই. সি. এ ডিরেক্টর রতন বিশ্বাস, উকলগী ভিপি এম. জিলা ঙম্বা শরুক য়াগনি। থৌরম অদু লাই হরাওবা উৎসব কমিটিগী প্রেসিডেন্ট এন নিরঞ্জন্না থৌরম মপূ ওইগনি হায়রি।
সোর্স: মরুপ
0 কমেন্ট:
কমেন্ট তৌবিয়ু