২২৪শুবা রাজর্ষি ভাগ্যচন্দ্র তিরোভাব উৎসব পাংথোকখ্রে
নুমিৎ হুম্নি চুপ্না পাংথোকখিবা ২২৪শুবা রাজর্ষি ভাগ্যচন্দ্র তিরোভাব নিংশিং কুমওন থৌরম সেপ্টেম্বরগী ২৭ মৌলভীবাজার জেলাগী কমলগঞ্জ উপজেলো মনুং চন্না লৈবা নয়াপত্তনগী শ্রী শ্রী রাধাকিশোর শর্মা মান্ডোবতা রাজর্ষি ভাগ্যচন্দ্রগী ফোটোদা হৈকৎ-লৈকৎ কৎতুনা থে্ৗরম হৌদোকখি। থৌরম অদুদা মণিপুরদগী ব্রাহ্মণ বৈষ্ণব ভক্ত অমসুং কলা-সংস্কৃতিগী কলচরেল টিম য়াওনা মীওই ১৫০রোম শরুক য়াখি। থৌরম অদুদা নট সংকীর্ত্তন, মণোহর সাঁই, গীতা প্রবচণ, খুবাক ঈশৈ, সূর্য প্রণাম, দশ অবতার, সোলো ডান্স, থাং-তা, কুঞ্জরাস, গৌরলীলা উৎখি। নিনী সুবা নুমিত্তা তর্পন অমদি নৈন-মীফমসু পাংথোকখি। বাংলাদেশ অমদি মণিপুর খুৎশম্নদুনা ২২৪ ডিথ এনিভার্সেরি ওফ রাজর্ষি ভাগ্যচন্দ্র, ওর্গানাইর্জিং কমিটিনা থৌরম আসি পাংথোকখিবনি। বাংলাদেশ ট্যুরিজম বোর্ডনা মণিপুরদগী লাকপা অতিথি ময়াম্বু লেংয়ান য়ান্দুনা ইকায় খুম্নবসু উৎখি। হুম্নি সুবা নুমিত্তা ওর্গানাইজিং কমিটি অমদি একাডেমী ফর মণিপুরী কলচর এন্ড আর্টস (আমকা), সিলেটকা খুৎশম্নদুনা সিলেটকী রাজবাড়ীদা লৈবা শ্রীশ্রী গৌড়াঙ্গ মহাপ্রভু জিউ মন্দিরদা নুমিৎ চুপ্পমগী থৌরম অমসু পাংথোকখি।
0 কমেন্ট:
কমেন্ট তৌবিয়ু