• 615
• ২৬শে অক্টোবর ২০২৪ ইং
• Share on:

সিলেটতা আর কে কমলিজিৎকী মপোক কুমওন পাঙথোকখ্রে

সিলেট, ওক্তোবর ২৫ :ত্রিপুরাগী শক্নাইরবা সোসল এক্টিভিস্ট আর কে কমলজিৎকী ১০০ শুবা মপোক কুমওন থৌরম বাংলাদেশ মণিপুরী সাহিত্য সংসদ (বামসাস) না শীন্দুনা ঙসি বাংলাদেশকী সিলেট সাপম লৈকায়দা লৈবা বামসাসকী ওফিসকী হোলদা পাঙথোকখ্রে।

থৌরমদুদা বামসাসকী প্রেসিদেন্ট এ কে শেরামনা ময়াই তাংবল লৌখি। সিলেট সাহিত্য পরিষদকী প্রসিদেন্ট পুলিন রায়, বিশ্ববাংলা সাহিত্য ও সংস্কৃতিক পরিষদকী প্রসিদেন্ট রাহনামা সাব্বির চৌধুরি মনি, পরিষদ অসিগী ভাইস প্রসিদেন্ট সেনুয়ারা আক্টার চিনু অমসুং সিলেট লেখিকা সংঘগী জেনরেল সেক্রেটরি ইসারাক জাহান জেলিনা অখন্নবা মীথুংশিং ওইনা শরুক য়াখি।

থৌরমদুদা আর কে কমলজিৎকী মীতমদা হৈকৎ-লৈকৎ তম্লবা মতুংদা এ কে শেরামনা আর কে কমলজিৎকী শম্লপ্পা পূন্সি ৱারী পাদুনা তাহনখি। থৌরমদুদা আলাউদ্দিন তালুকদার, উত্তম কুমার চৌধুরী, আব্দুর রহমান হিরা, এল প্রশান্ত কুমার, ৱাই নৃপেন্দ্র, নিহার রঞ্জন শর্ম্মা, কে ঐচ সমরেন্দ্র, এম ক্ষিরসিংনা ৱা ঙাংখি। লোয়ননা থোকচোম ওংবী কৈনাহন, রৌশনআরা বাঁশি খূৎহৈবম, সোরাইজম অনিতা অমদি শহিদুর ইসলাম লিটননা শৈরেং পাথোকখি।