মথংদা থোকচোম অচৌবা নীংশিং ইন্দিগ্রিটি এৱার্দ পীনবসু লাউথোক্লে। টি ঐচ অচৌবা মীয়ামগী লুচিংবনি। সী পি আইগী এম এল এসু ওইরম্মী। মহাক্না মীয়ামগী /মণিপুরগী তৌজরম্বা থবকশিং অদুগীদমক কম্মিটিনা লৌখৎতুনা মনা অসি লিশাং শিৎনা পীদুনা লাক্লি। হন্দক চহীগী ওইনা ৱুংনাংশঙ অসাং কসারদা থোকচোম অচৌবা নীংশিং ইন্টিগ্রিটি এৱার্দ অসি পীরগনি হায়রি।

মনা অসিদা শেল ওইনা লুপা লিশীং ১০, মেমেন্তো অমা অমসুং সাল অমা য়াওরি। মনা অসি থোকচোম অচৌবগী ইমুং মনুংনা কৎলকপনি। মনা অসিবু ফংগদৌরিবা ৱুংনাওশঙ অসাং কসার লিটান (ফুংয়ার) গী শক্নাইরবা মীশক অসি চপ চাব সোসল ৱার্কর অমনি। মশীং নাইদবা মীয়ামগী কান্ননবা থবক কয়ামরুম তৌখ্রে। সেলেব্রেসন কম্মিটিনা খ্বাইদগী লূম্না লৌজবদি মহাক্না চীং তম নুংশিননা হিংমিন্ননবা হোৎনজবা কয়াসিবুনি। জননেতা ইরাবতনা নোমজরম্বদু চহী লিশীং ২গী পুৱারী লৈজবা মণিপুরবু তেক্তা কায়দনা থম্বা হায়বসিনি। ৱুংনাওশঙ অসাং কসারসু হীরম অসিদা কন্না নোমজবা মীশকনি। মসিগীদমক মহাকপু খনগৎপনি হায়রি।  

মথংদা লৈখিদ্রবা শক্নাইরবা জার্নেলিষ্ট ‘খোল্লাউ’ পাউচেগী এদিটর মতম শাংনা পুরম্বা থিয়াম মেঘচন্দ্রগী মীংদা পীবা ‘থিয়মা মেঘচন্দ্র জার্নেলিষ্ট এৱার্দ’ অসি ‘হুইয়েন লানপাউ’ পাউচেগী এদিটর মাইব ধনবির মীতৈদা পীরগনি হায়রি। মাইবম ধনবির পাউচে অসিদা এদিটর ওইদুনা মীয়ামগী অৱা-অনা, অওনবা পুরক্নবা লোয়ননা লৈঙাক্কী অশোয়ববু চুমথোকপনা প্রেস/মীদিয়া হায়বসি দেমোক্রেসিগী মখোঙ মরিগী মনুংদা অমনি হায়বদু চপ চানা ফোঙদোকচবা মীশক অমনি। মীয়াম মরক্তা লৈরিবা শোত্থারিবা এদ্যুকেটেদ অন এমপ্লোইদ ওইরবা নহাশিংগী অৱাবা ফীভমশিংবু করম্বা ফীভমদা সোল্ব তৌগদগে হায়বদু পাউমী অমা ওইনা সাজেসন কয়া পীবা অসিগীদমক মহাকপু খনবনি হায়রি।

নোংমাইথেম ইবোতোন এৱার্দ অসিদসু লুপা লিশীং ১০, মেমেন্তো অমগা লোয়ননা সাল য়াওরি। এৱার্দ অসি ইমুং মনুংদা কৎচরকপা ওজাগী শনফমদা থবক তৌজরম্বা ইবোতোনবু নীঙশিংদুনা হৌজিক ওজাগী শিনফমদা থাদোকপগী মতিক ময়াইগা লোয়ননা থবক তৌরিবী লৌরেম্বম ইবেচা, হেদ মিষ্ট্রেস (তাওথোং অফৈবা এদেদ প্রাইমারি স্কুল) বু মাগী থৌদাংশিংবু শকখঙদুনা পীরগনি হায়রি। শক্নাইরবা লীলারোই মনা অসি মোইরাংথেম লৈবাক লৈগীদমক মচা ইবেম্মা এম বেনিনা কৎচবনি। এৱার্দ অসিদা লুপা লিশীং ১০, মেমেন্তো অমগা লোয়ননা সাল য়াওরি। মনা অসি শক্নাইরবা লিলারোই সোরোকখাইবম রেবিন্দ্রেদা পীরগনি। মহাক মীয়াম্না শকখঙনরবা শুমাং লীলাগী নুপী শাবীনি। মহাক্কী থৌদাং শকখঙবা ওইনা পীগদবনি হায়রি।

হিজম অচৌ খূৎহৈবা শিন্মী এৱার্দ অসিসু লুপা লিশীং ১০, মেমেন্তো অমগা লোয়ননা সাল য়াওরি। এৱার্দ অসি হিজব অচৌগী মচা ইবুংঙোনা কৎচবনি। মনা অসি খুৎহৈবা থিঙুজম ইবোহনবী, থৌবাল ওক্রমদা পীরগনি হায়রি।

খঙজ্রাকপ মনি দ্রাইভর এৱার্দ অসি থাংম চন্দ্রকুমার মৈতৈ (সলুংফম) দা পীরগনি হায়বগা লোয়ননা মনা অসিদসু শেল ওইনা লুপা লিশীং ১০, মেমেন্তো অমগা লোয়ননা সাল অমা য়াওরি। মনা অসি খঙজ্রাকপম মনিগী মচা ইবুংঙোনা কৎচবনি হায়রি। চেরোল অসিনা মখা তানা হায়বদা মনাশিং অসি থা অসিগী ৩০ গী নুংথিল পুং ১ তাবদা ইবোয়াইমা শুমাং লীলা শঙলেনদা পাঙথোক্কদবা থৌরমদা লান্থোক্কনি হায়রি।

সোর্স: হুইয়েন লানপাউ.